École des chartes » ELEC » Cartulaires d'Île-de-France » Port-Royal » Cartulaire » échange avec Amaury de Meudon.

échange avec Amaury de Meudon.

  • A Original. Arch. nat., S 4526, nº 3. double queue, traces de sceau.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentes litteras inspecturis Almarricus de Meuduno, miles, et Haoysis, ejus uxor, in Domino salutem. Noverint universi quod cum religiose, Eustachia, abbatissa humilis Portus-Regis1, totusque ejusdem loci conventus, spontanea voluntate, non coacte, nobis et heredibus nostris partim vendiderint et partim permutaverint et nomine venditionis et permutationis in perpetuum nobis et heredibus nostris quittaverint unam granchiam cum fundo sicut se comportat, quam habebant, tenebant et possidebant in villa de Villaribus juxta Castrum-Forte, contiguam ex una parte domibus nostris ejusdem ville et ex altera domui Roberti dicti Blanchet, et Marie dicte La Chate, et tria quarteria terre arabilis vel circiter que habebant, tenebant et possidebant in territorio de Perfont, inter terras nostras, a nobis et heredibus nostris in perpetuum habenda et possidenda, pro quadraginta libris parisiensibus, jam sibi solutis a nobis in pecunia numerata et in utilitatem suam et monasterii sui jam conversis, ut dicebant ; et pro quinque quarteriis terre arabilis vel circiter et sex quarteriis vel circiter que nos habebamus, tenebamus et possidebamus versus viam de Orsignies, que quondam fuerunt Johannis le Goz, contigua terris ipsarum abbatisse videlicet conventus, ab eisdem abbatissa et conventu sucessoribus suis et monasterio suo ex nunc in perpetuum in manu mortua habenda, tenenda et possidenda. Nos Almarricus predictus et Haoysis uxor nostra confitentes omnia esse vera et singula predicta promittimus bona fide sine fraude vel dolo quod nos, quam citius poterimus, dicta quinque quarteria terre arabilis et sexquaterios vel circiter per conventiones inter nos et ipsas in contractu hujusmodi factas et habitas eisdem abbatisse et conventui ac monasterio suo admortiemus seu in manu mortua ponemus nostris sumptibus propriis et expensis, et quod dicta quinque quarteria terre arabilis et sex quarterios vel circiter eisdem abbatisse et conventui et monasterio suo nos et heredes nostri garantizabimus, liberabimus et deffendemus ab ipsis et monasterio suo in perpetuum habenda et possidenda in manu mortua absque contradictione qualibet in juditio et extra quocienscumque opus fuerit ad usus et consuetudines patrie contra omnes. Quod si facere non possemus aliquo modo nos vel heredes nostri tenebimur et promittimus bona fide reddere et solvere eisdem abbatisse et conventui pro dictis quinque quarteriis et sex quarteriis terre arabilis vel circiter et in recompensationem ipsorum octo libras parisienses infra annum postquam ab alienanda, distr[a]henda, seu ponenda dicta quinque quarteria et sex quarterios terre vel circiter extra manum suam a domino lundi dictorum quinque quarteriorum et sex quarteriorum vel circiter requisite fuerint vel compulse, et tunc dictis octo libris par, a nobis eisdem solutis et ab heredibus nostris, dicta quinque quarteria et sex quarteria terre arabilis vel circiter ad nos et heredes nostros libere et pacifice revertentur a nobis et heredibus nostris ex tunc in perpetuum tenenda et pacifice possidenda, et pro premissis omnibus [et] singulis tenendis et fideliter adimplendis nos omnia bona nostra mobilia et immobilia et heredum nostrorum predictis abbatisse et conventui et ipsarum monasterio specialiter obligamus et obligata relinquimus bona fide. Quod ut firmum et stabile permaneat in futurum presentes litteras sigillorum nostrorum munimine fecimus roborari. .


1 Eustachie, abbesse, succéda à Anne, qui vivait en 1262. Elle mourut le 16 avril, vers 1272 (Fisquet).