École des chartes » ELEC » Cartulaires d'Île-de-France » Port-Royal » Cartulaire » Accord entre Jean de Lagny, orfèvre, bourgeois de Paris, pour la dot à Porrois de ses deux filles, assignée sur le pressoir de Cottignies à Meudon, avec l'abbé de Citeaux et l'abbesse de Port-Royal.

Accord entre Jean de Lagny, orfèvre, bourgeois de Paris, pour la dot à Porrois de ses deux filles, assignée sur le pressoir de Cottignies à Meudon, avec l'abbé de Citeaux et l'abbesse de Port-Royal.

  • B Bibl. nat. de France, lat. 10998, nº 37.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentes litteras inspecturis, ego, Johannes de Latiniaco, aurifaber, burgensis Parisiensis, salutem in Domino. Noverit universitas vestra quod, cum soror Amicia, abbatissa de Porreis, de voluntate et assensu sui conventus, pietatis intuitu, omni symonia cessante et alia pravitate, Mariam et Agnetem, filias meas minores annis, in moniales in suo monasterio receperit et sorores ; ego, Deum habens pre oculis, considerans quod non sine herede decedit qui monasterium sibi instituit heredem, nolens predictas filias in sua legitima mee hereditatis portione aliquatenus defraudare, disposui de portione eas contingente in modum qui inferius annotatur.

Volo etiam et concedo quod quoddam torcular, situm juxta Meudon, quod appellatur torcular comitis vel de Conteignies, et octo arpenta vinearum in una pecia, et sexagenta solidi parisiensium minuti census, et tres droiture et dimidia ad dictum torcular pertinentes, ad eas et ad monasterium predictum, nomine earumdem, pertineant sub hac forma quod, tempore vendemiarum, spolia sive fructus quatuor arpentorum vinee que juxta dictum pressorium seu torcular possideo, ego et heredes mei libere et quiete, sino aliquo usu seu costuma, ad dictum pressorium pressorabimus in futurum ; et etiam si predicte filie ad etatem duodecim armorum pervenerint et ibidem professionem fecerint, statim predictarum rerum dominium et possessio monasterio sit acquisitum. Si vero contigerit aliquam vel etiam ambas decedere, volo quod, pro rata illius que decesserit, incontinenti ea mortua, sue portionis dominium monasterio acquiratur. Si vero ambe infra predictam etatem decesserint, omnes predicte rex predicto monasterio ad possessionem et dominium penitus acquirantur. Si vero, adveniente predicta etate, aliquam earum ad seculum remeare contigerit, nolens ibi professionem emittere, volo et ordino quod, pro rata portionis ipsam contingente, predictarum rerum in eam statim possessio necnon et dominium transferatur. Si vero ambe voluntatem in seculo revertendi habuerint, nullatenus professione emissa, volo et ordino quod predictarum rerum possessio et dominium ad eas pertineat pleno jure. Insuper volo et ordino quod, si contingeret aliquam earumdem ad seculum remeare, professione non emissa, fructus et proventus, pro eo tempore quo in monasterio steterit, ad monasterium pertineant pro rata eam contingente ; et id volo et concedo de ambabus si continger et ambas ad seculum reverti, professione non emissa. Ista autem omnia volo et concedo et supplens defectum etatis earumdem, et promitto bona fide ista predicta observare et non contra facere vel venire aliqua ratione juris vel facti. Et renuncio omni auxilio juris vel facti et privilegio, et maxime juribus qui locuntur de ultimis dispositionibus usque ad supremum vite exitum revocandis. Juravi etiam, tactis sacrosanctis Evangeliis, quod predicta, prout a me sunt disposita, bona fide observabo. Volo etiam et ordino quod ista presens carta, de consensu predicte abbatisse necnon meo, ponatur in disposito apud domum militie Templi Parisiensis, et ibi, adveniente etate predictarum filiarum, videatur quibus, monasterio vel filiabus, prout supradictum est, dominium predictarum rerum et possessio acquiratur. Et si predicte filie ibidem professionem fecerint vel etiam infra predictam etatem, ut supra dictum est, decesserint, presens carta abbatisse tradatur vel monasterii procuratori. Si vero predicte filie, de monasterio, nulla professione facta, ut supra dictum est, exierint, presens carta eisdem tradatur. Si vero, una exeunte, altera remanserit, ei que exierit de sua legitima portione satisfiat, et carta monasterio remanebit ; et, quantum ad portionem illius que ad seculum redierit, nolo quod monasterium aliquid ejus habeat ratione istius instrumenti.

Et ut hoc ratum et firmum permaneat, presentem cartam sigilli mei munimine dignum dusi roborandam.

Nos vero, frater Jacobus, dictus abbas Cisterciensis, et nos, predicta abbatissa, predictam ordinationem volumus, prout supradictum est, et eidem consensimus bona fide, et promisimus quod contra eam nullatenus veniemus aliqua ratione vel privilegio nostris monasteriis indulto vel etiam indulgendo. Et ut hec rata et firma permaneant, huic presenti carte nos, dictus abbas, et nos, dicta abbatissa, sigillorum nostrorum caracteres duximus apponendas. « Letare Iherusalem ».


* 2009, correction d'une coquille de la verison imprimée.