École des chartes » ELEC » Cartulaires d'Île-de-France » Port-Royal » Cartulaire » Barthélemy et Guillaume le Rouillé approuvent l'achat de la maison du curé Adam à Marly.

Barthélemy et Guillaume le Rouillé approuvent l'achat de la maison du curé Adam à Marly.

  • B Bibl. nat. de France, lat. 10997, nº 89.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Omnibus presentes litteras inspecturis Bartholomeus et Guillermus le Roillie, milites, salutem in Domino. Noveritis nos concessisse et quitasse in perpetuum abbacie monialium Portus Regis quandam domum apud Marliacum cum appendenti vinea, quam dicte moniales ab Adam, presbitero, privigno1 Petri de Villaperor acquiesierunt. Pressorium etiam quod ibidem de nostro dominio habebamus, tam ex parte nostra quam ex parte uxorum nostrarum, eisdem monialibus quitavimus in perpetuum cum omnibus consuetudinibus et redibenciis ad dictum pressorium pertinentibus, tali modo quod dicte moniales nobis et heredibus nostris , singulis annis, quadraginta solidos parisiensium censuales pro quittatione dictarum rerum reddere tenebuntur. Volumus etiam quod in dicto pressorio habeant quidquid juris habebamus in eo, videlicet quod censarii nostri ad dictam pressorium veniant pressare, et quod si aliquis deficere vel non venire ad illud contingerit, illius defectum ad usus et consuetudines de Marliaco, dictis monialibus, vel eorum mandato, faceremus per nostram justiciam emendari. Verumtamen census nostros quos habemus in villa recipiemus ut prius, super quibus in nullo tenemur dictis monialibus, maxime quod dicti census ad domum predictam vel pressorium in nullo pertineant. In cujus rei testimonium presentes litteras sigilli nostri impressionne confirmamus. Actum .


1 Privignus, né d'un premier mariage de la femme de Pierre de Villepreux.