École des chartes » ELEC » Cartulaires d'Île-de-France » Port-Royal » Cartulaire » Saint Louis donne 50 livres de rente à Porrois.

Saint Louis donne 50 livres de rente à Porrois.

  • A Original scellé. Arch. nat., J 422: obligation II, nº 13.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
  • b Layettes du Trésor, III, nº 3682.
D'après a.

In nomine sancte et individue Trinitatis, amen. Ludovicus, Dei gratia Francorum rex. Notum facimus quod nos, ob remedium anime nostre et animarum inclite recordationis regis Ludovici genitoris nostri et karissime domine et matris nostre Blanche, regine Francie illustris abbatie monialium de Porresio, cisterciensis ordinis, damus et concedimus in puram et perpetuam elemosinam quinquaginta libras turonensium annui redditus in villa que dicitur Mons Martini1, et si de dicta villa non sufficeret ad solucionem perficiendam dictarum quinquaginta librarum annui redditus, cum in easdem percipere debeat alias quinquaginta libras ex dono nostro abbatia monialium de Thesauro Nostre Domine2, ejusdem ordinis, residuum caperetur in villa que Petitvilla appellatur ; quas siquidem villas habet et tenet dilectus et fidelis noster Matheus de Marliaco, ex dono et concessione felicis recordationis regis Philippi, avi nostri ; et tenebit et habebit toto tempore vite sue, ac redditum similiter dictarum quinquaginta librarum similiter et liberi ejus post eum, si quos habuerit in posterum ex uxore sua desponsata3. Et hanc donationem fecimus, salvo jure alieno, et hoc insuper salvo et retento semper quod, si aliquando dictaret nobis conscientia quod de dicta villa aliquibus restitutionem facere vellemus, nobis liceret non obstante predicta donatione3. Quod ut perpetue stabilitatis robur obtineat, presentem paginam sigilli nostri auctoritate et regii nominis karactere inferius annotato fecimus communiri. Actum Parisius .


1 Mathieu de Marly avait reçu de Philippe-Auguste les terres de Montreuil-Bonnin en Poitou et de Picauville en Normandie.
2 L'abbaye de Trésor-Notre-Dame (Eure), fondée en 1228 par Raoul de Bu.
3 On connaît le fâcheux scrupule qui a empêché saint Louis d'expulser les Anglais de France.