École des chartes » ELEC » Cartulaires d'Île-de-France » Port-Royal » Cartulaire » Etienne de Meudon confirme les dons de Béatrix d'Orsignies.

Etienne de Meudon confirme les dons de Béatrix d'Orsignies.

  • B Bibl. nat. de France, lat. 10997, nº 126.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Omnibus presentes litteras inspecturis Officialis Curie Parisiensis in Domino salutem. Notum facimus quod in nostra presencia constitutus, Stephanus de Meuduno, miles, recognovit quod Domicella Beatrix de Orsignies, vidua, dedit in elemosinam puram et perpetuam ecclesie monialium Portus-Regis quindecim arpenta terre arabilis sita inter Vilers et Orsignies, que movent de feodo meo tertio loco. Recognovit eciam coram nobis se dedisse et concessisse dicte ecclesie quandam peciam vinee site apud Meudon que vocatur vinea de Peru, in censiva domini Johannis de Villadavrai, militis, ad undecim denarios et obolem censuales. Promittens, fide media, quod contra premissa, per se vel per alium non veniet in futurum, et quod contra omnes heredes suos dicte ecclesie in manu mortua garantizabit. Johannes vero de Meuduno, nepos dicti Stephani, et Petrus de Clamarcio, et Genovefa, uxor dicti Petri, coram nobis constituti, predictam terram et vineam et quidquid juris in eisdem jure hereditario, seu ratione dominii, seu dotalicii, aut alio quolibet modo habebant, eidem ecclesie in manu mortua perpetue quitaverunt, promittentes, etc..... .