École des chartes » ELEC » Cartulaires d'Île-de-France » Port-Royal » Cartulaire » échange de pièces de terre entre Porrois et Adam de Buloyer.

échange de pièces de terre entre Porrois et Adam de Buloyer.

  • B Bibl. nat. de France, lat. 10997, nº 169.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Omnibus présentes litteras inspecturis, Officialis Curie Parisiensis salutem in Domino. Notum facimus quod in nostra presentia constituti dominus Adam de Buloher et domina Ysabellis, ejus uxor, recognoverunt quod defunctus Petrus de Noisiaco miles, legaverat in extremis abbatisse et conventus Portus Regis, ordinis cisterciensis, quadraginta septem arpenta terre site apud Buloher quarum quadraginta quinque arpenta movent de feodo dictorum Ade et Ysabellis et residuum de censiva eorum ad sex denarios capitalis census tantummodo, necnon et quandam domum sitam in eadem terraque movet partim de feodo dictorum Ade et Isabellis et partim de censiva eorum. Asseruerunt etiam quod viginti novem arpenta de dicta terra erant prope terram propriam eorumdem et erant magis viciniora et utilia domui sive manerio et jardino dictorum mititis et ejus uxoris ; et propter hoc dicte moniales dicta viginta novem arpenta prout metata sunt et divisa eisdem militi et ejus uxoris in escambium dederunt et cesserunt pro triginta unum arpenta, uno quarterio minus terre que habebant contigua terre grangie monialium que erant eisdem monialibus utiliora. Voluerunt insuper et concesserunt dicti A... et Y... ut dicte abbatissa et conventus dicta arpenta permutationis nomine concessa cum alia terra eisdem monialibus legata a dicto defuncto Petro habeant perpetuo in manu mortua, sine coactione vendendi, aut ponendi extra manum suam, quittantes expresse quidquid juris habebant, seu habere poterant in dictis rebus, salvo tamen sibi et heredibus suis censu predicto sex denariorum et omnijure quod eis competit ratione dicti census. Promitentes fide data quod contra premissa, etc..... Confitentes se de bonis abbalisse et conventus pro concessione et quittatione hujusmodi, quadraginta libris parisiensium recepisse. Preterea asseruerunt quod dicte moniales dederant dicte Isabelli et ejus heredibus domum annotatam a dicto defuncto collatam monialibus antedictis. .