École des chartes » ELEC » Cartulaires d'Île-de-France » Port-Royal » Cartulaire » Thomas, prieur de Saint-Nicaise de Meulan, confirme le don d'une vigne par Henri, maire de Verneuil.

Thomas, prieur de Saint-Nicaise de Meulan, confirme le don d'une vigne par Henri, maire de Verneuil.

  • B Bibl. nat. de France, lat. 10997, nº 79.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis Christi fidelibus presentes litteras inspecturis, frater Thomas, humilis prior Sancti Nigasii de Meullento, salutem in Domino. Noverit universitas vestra quod nos ratam et firmam habemus et concedimus donationem et concessionem Henrici majoris de Vernolio, factam religiosis mulieribus abbatisse et conventui de Portu Regio cisterciensis ordinis super quadam pecia vinee quam idem Henricus tenebat ad octo denarios censuales a Herberto presbytero nostro, nomine presbyteratus Sancti Nigasii, siquidem ratam habemus et concedimus quitationem, laudationem seu etiam venditionem dictorum octo denariorum factam a domino presbytero prenominato Henrico prout in litteris domini Carnotensis episcopi vidimus plenius contineri. In cujus rei testimonium et munimen presentibus litteris sigillum nostrum duximus apponendum. Actum .