École des chartes » ELEC » Cartulaires d'Île-de-France » Port-Royal » Cartulaire » Pierre de Meudon donne une rente de 6 livres sur son champart de Boinville. Et consentement d'Eustache de Mézy.

Pierre de Meudon donne une rente de 6 livres sur son champart de Boinville. Et consentement d'Eustache de Mézy.

  • B Bibl. nat. de France, lat. 10998, nº 35.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentes litteras inspecturis, ego Petrus de Meudon, miles, et ego Maria, uxor ejus, salutem in Domino. Noverint universi quod nos, pari et communi nostrum assensu et voluntate, religiosis mulieribus abbatisse et conventui Portus Regis, Cysterciensis ordinis, Parisiensis dyocesis, pietatis intuitu et provide precaventes ne predictum monasterium Portus Regis, super receptione Agnetis, sororis nostre, quam, solo pietatis intuitu et ad precum nostrarum instanciam, dicte abbatissa et conventus in suam commonialem receperant, in posterum gravaretur, sex libras annui et perpetui redditus dedimus et concessimus in futurum, percipiendas annuatim libere et pacifice sine contradictione aliqua ab eisdem monialibus vel earum mandato , super omnibus rebus nostris, tam censibus quam campipartibus et rebus aliis quibuscumque, quas habebamus seu habere poteramus apud vallem Boinville, moventibus ex parte hereditaria mei Marie. Ita quod, si anno quolibet, eisdem monialibus in sex libris parisiensium plene et integre non extiteret satisfactum, dicte abbatissa et conventus ad omnes res nostras quas apud predictam vallem Boinville prope Medontam habebamus seu possidebamus, pleno jure valeant assignare et eas in manu sua capere, donec eisdem de predictis sex libris parisiensium plene et integre extitent satisfactum. Et ad hec omnia et singula, prout superius sunt expressa, fideliter ac firmiter implenda ac plene et integre observanda, tam nos quam quemlibet, nostrum et tam omnes quam singulos heredes nostros seu successores cujuslibet nostrum obligavimus bona fide in futurum per presentes litteras sigillorum nostrorum munimine roboratas. .

Ego vero, Eustachius, vicecomes de Mesiaco prope Melletum, et ego Eustachia, ejus uxor, de quorum dominio et feodo movebant predicti census et campipars et alie res, dictum elemosinationem dictis monialibus Portus Regii a predictis Petro de Meudon, milite, et Maria, ejus uxore, sub predictis modo et forma factam, in omnibus et singulis articulis approbatam voluimus, laudavimus et concessimus ; et omnia et singula predicta, prout superius sunt expressa, eisdem monialibus, ad petitionem dictorum Petri et Marie, ejus uxoris, admortificavimus in futurum, et, quoad nos et heredes nostros, manucepimus garantire. In cujus rei testimonium, presentes litteras predictis abbatisse et conventui dedimus sigillorum nostrorum munimine roboratas. Datum predicto .