École des chartes » ELEC » Cartulaires d'Île-de-France » Port-Royal » Cartulaire » Don au Mesnil-Saint-Denis par Odeline de Chevreuse.

Don au Mesnil-Saint-Denis par Odeline de Chevreuse.

  • B Bibl. nat. de France, lat. 10998, nº 30.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentes litteras inspecturis, Officialis Curie Parisiensis, salutem in Domino. Notum facimus quod coram nobis constituti, Odelina, relicta deffuncti Guilloti, dicti Parvi, et Dyonisius, ejus filius, asseruerun coram nobis quod ipsi habebant, tenebant et possidebant apud Menillium Sancti Dyonisii res inferius annotatas : videlicet, triginta arpenta terre arablis sita in villa predicta in censiva abbatis et conventus Sancti Dyonisii in Francia ; videlicet, triginta arpenta sita in territorio quod vocatur « Nemus Nostre Domine " ; item, sex arpenta retro locum qui vocatur " Roudon » ; item, duo arpenta retro Moncellum ; item novem arpenta ad locum qui vocatur « Mineria », item, sex arpenta juxta Ambesies ; item, unam domum sitam a Ambesies in censiva predicta, ad quatuor denarios parisienses census tantummodo capitalis, contiguam ex una parte domui Roberti Coci, et domui defuncti Guiberti Decani ex altera ; item quandam domum sitam in villa de Caprosia, in censiva domini de Caprosia, ad quinque solidos parisiensium census tantummodo capitalis, debitos singulis annis ad festum Fidelium defunctorum. Quas siquidem terras prefatas et domos, dicta Odelina et Dyonisius ejus filius, recognoverunt coram nobis se dedisse et concessive in puram et perpetuam elemosinam, donatione inter vivos, sine spe revocandi, necnon et omnia bona sua mobilia presentia, religiosis personis abbatisse et conventui de Portu Regis ac earum monasterio. Promittentes, fide data in manu nostra quod contra donationem et concessionem predictas, per se vel per alium jure aliquo, non venient in futurum. In cujus rei testimonium, sigillum Curie Parisiensis presentibus litteris duximus apponendum. .