École des chartes » ELEC » Cartulaires d'Île-de-France » Port-Royal » Cartulaire » Adam, curé du Perray, vend une maison et dépendances à Marly.

Adam, curé du Perray, vend une maison et dépendances à Marly.

  • B Contenu dans le vidimus qui suit.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, A. de Dion (éd.). Paris: 1903
D'après a.

Omnibus presentes litteras inspecturis R. ecclesie Parisiensis archidiaconus, eternam in Domino salutem. Notum facimus quod in nostra presentia constitutus, Adam presbiter de Perreto recognovit se vendidisse pro sexagenta libris parisiensium, abbatie de Portu Regio, domum quandam cum appendiciis suis sitam in castello de Malliaco, in censiva dominorum de Maillaco, promittens fide media quod venditionem istam dicte abbatie contra omnes garantizabit. Ad hoc sciendum est quod sicut Guido, decanus de Castroforti, nostri archidiaconatus, quem ad hoc specialiter destinavimus, nobis viva voce testificatus est Ebelina, mater Ade presbiteri, dictam venditionem laudavit et concessit, fide in manu eju prestita corporali. Insuper dictus decanus nobis asseruit quod Nicholaus, frater Ade presbiteri, Petrus Tyol et Odelina ejus uxor, Michael, clericus, Guillelmus Baudrici, Petrus Renerii, Droco, filius Gazonis, Stephanus de Noisiaco et Thomas de Abbacia, dictam venditionem voluerunt et contra omnes ad usus et consuetudines Francie se garantizaturos fide media promiserunt. Preterea dictus presbiter se obligavit ad solvendum XX libras pro pena abbacie antedicte si dictam venditionem retrahi contingerit ab aliquibus sive ab aliqua parentela dicti presbiteri, aliis ab ipsis quorum nomina in presentibus litteris superius sunt expressa. Actum .