École des chartes » ELEC » Cartulaires d'Île-de-France » Port-Royal » Cartulaire » Amaury, vicomte de Narbonne, change l'assignation de la rente donnée par son frère Aimery à Porrois.

Amaury, vicomte de Narbonne, change l'assignation de la rente donnée par son frère Aimery à Porrois.

  • B Bibl. nat. de France, lat. 10998, nº 14.
  • a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
D'après a.

Universis presentes litteras inspecturis, Almaricus, Dei gratia, vicecomes et dominus Narbonne, salutem in Domino. Notum facimus quod, cum Aimericus, bone memorie, frater noster, dedisset et concessisset in puram et perpetuam elemosinam religiosis mulieribus abbatisse et conventui de Portu Regio, quintam partem suorum reddituum quos habebat in Francia, et ipse assignasset dictis religiosis, pro dicta quinta parte, quatuordecim libras parisiensium annui redditus super census suos de Clauso Mali Vicini, in censiva abbatis Sancte Genovefe Parisiensis in Monte ; et dicti abbas et conventus nollent quod dicte religiose dictas quatuordecim libras annui redditus in perpetuum pacifice possiderent, nos intuitu moti caritatis, et factum fratris nostri adimplere volentes, dedimus et assignavimus eisdem monialibus IX libras parisiensium annui redditus super domum Roberti, dicti Brichart, prope ecclesiam Sancti Mederici Parisiensis, percipiendas annuatim a dictis monialibus singulis annis, duobus terminis, videlicet, , quatuor libras parisiensium et dimidiam, et , quatuor libras parisiensium et demidiam, in excambium novem librarum de summa quatuordecim librarum predictarum quas habebant et percipiebant dicte religiose, prout superius dictum est, super census meos de Clauso Mali Vicini. Damus insuper eisdem religiosis omne jus, dominium et justiciam que vel quam habebamus vel habere debebamus in domo supradicta. Pro residuis vero centum solidis parisiensium, volumus et concedimus quod dicte religiose habeant et recipiant centum libras turonensium ex venditione quam fecimus abbati et conventui Sancte Genovefe Parisiensis in Monte. Promittentes, bona fide, quod contra donationem et assignationem istam, per nos vel per alium non veniemus in futurum. Quod ut ratum sit et firmum, presentes litteras sigilli nostri munimine fecimus roborari. Actum .