Quittance par Hugues Pilet et autres du prix du bois des Jarriets (?) ou des Pilletois.

Universis presentes litteras inspecturis officialis curie Carnotensis salutem in Domino. Notum facimus quod in nostra presentia constituti in jure : Hugo Pilet, Margareta, uxor ejus, Johannes Pilet, Amauricusde la Huaniere, Odelina, uxor ejus, Robertus de Morto, Ermengardis, uxor ejus, et Matildis, soror ejusdem Roberti, recognoverunt se vendidisse abbatisse et conventui de Portu Regio in manu mortua totum nemus de Jarrietis et fundum ejusdem nemoris sicuti se comportat in longitudine et in latitudine quod vocatur nemus des Piletois, quod libet arpentum pro sexaginta solidos parisiensium. De qua pecunia ipsi venditores recognoverunt sibi fuisse plenarie satisfactum. Promittentes fide medio quod contra venditionem istam per se vel per alium non venient in futurum et quod dictum nemus prefatis abbatisse et conventui quociuscunque necesse fuerit ad usus et consuetudines Francie in manu mortua garantizabunt contra omnes. Predicte autem mulieres de voluntate et mandato maritorum suorum quitaverunt quidquid juris in dicto nemore habebant vel habere poterant ratione dotalicii vel alio modo, spontanee non coacte, fide data ad hoc. Dominus Hugo de Bello Videre, miles, secundus dominus feodi in quo dictum nemus situm est dictam venditionem coram nobis voluit et concessit coram nobis, volens et concedens quod predicte a. et c. teneant in perpetum in manu mortua. Promittens fide media quod contra premissa per se vel per alium venire de cetero nullotenus attemptabitet quod dictum nemus, quantum ad se pertinet prefatis abbatisse et conventui ad usus et consuetudines Francie garantizabit. † Predicti vero Hugo Pilet et Margareta, ejus uxor, et Johannes Pilet, quantum ad hoc, se nostre juridictioni subdiderunt. Actum anno Domini millesimo ducentesimo tricesimo nono, mense aprili.