L'évêque de Chartres investit l'abbaye de la dîme à Saint-Escobille donnée par Pierre de Favereuse.
- B Bibl. nat. de France, lat. 10997, nº 37.
- a Cartulaire de l'abbaye de Porrois au diocèse de Paris, plus connue sous son nom mystique Port-Royal, éd. Adolphe de Dion, Paris, 1903.
Reginaldus, Dei gratia Carnotensis episcopus universis Christi fidelibus ad quos presens scriptum pervenerit, salutem in Domino. Ad universorum noticiam volumus pervenire quod Petrus de Faverosis1 et Eremburgis, uxor ejus, in nostra presentia constituti, quidquid habebant in decima Sancti Scubiculi2, scilicet quartam partem tam in grossa quam in minuta resignaverunt in manus nostras ad elemosinandum sanctimonialibus de Porregio, fide ab ipsis prestita quod inea nichil de cetero reclamarent, concedente hoc Cecilia, matre ejusdem Petri, et quitante fide interposita quidquid habebat in ea. Insuper etiam Petrus Poter et Hugo, frater ejus, de quorum feodo hoc movebat, istud fo edum suum et quidquid in hoc juris habebant in perpetuum quitaverant, et super hoc garantiam, fide interposita, promiserunt. Resignata autem in manus nostros, ut dictum est, predicta decima, nos ad petitionem prenominatorum, omnium assensu, predictas sanctimoniales investivimus de eadem. Quod ut ratum et inconcussum permaneat, presentem paginam inde notari fecimus et sigilli nostri caractere confirmari. Actum Carnoti .
