Charte d'Adèle, abbesse de Montmartre, concédant aux marchands de poisson de Paris, un terrain proche du château du roi, à Paris.

In nomine sancte et individue Trinitatis, amen. A. Dei gracia Montis martirum abbatissa totusque ejusdem loci conventus tam futuris quam presentibus. Noveritis quod nos quamdam plateam Parisius super stratam juxta castellum regis habemus, quam nos ejusdem civitatis piscium venditoribus ad vendendu, sub tali scilicet tenore quod sex illorum, Albertus, Hunm suos pisces sub censu singulis annis LX solidorum in perpetuum concedimus, sub tali scilicet tenere quod sex illorum Albertus, Hungerus, Martinus, Gaubertus, Ernodus, Vitalis, sive eorum heredes nobis et pro se et pro aliis de predicto censu respondeant, et per IIII terminos, in terminis videlicet carnificum, sex predicti nobis XV, solidos persolvant et sic nobis ut jam dictum est LX solidos singulis annis compleant. Si vero in predictis terminis censum ad plenum non reddiderint, unus pro omnibus et una satisfactione et quod vulgo una lege dicitur emendans censum ex integro nobis restituet, et quod in emendatione et census restitutione ab eo expensum fuerit, ab eo qui commisit totum ei exigere licebit. Addimus etiam quod si aliqua querela inter eos de his que ad terram nostram pertinent emerserit, per se poterunt pacificare ; si vero per se pacificari nequiverint, nos de hiis et de omnibus que ad nos pertinent justiciam nobis reservamus. Est eciam constitutum quod si unus vel duo vel plures eorum defuerit, residui predictam summam denariorum in prefixis terminis ex integro persolvent, si vero aliquis eorum ita defecerit quod nequiverit vel noluerit conventionem istam tenere, seu defuerit qui hereditario jure ei habeat succedere, piscatorum erit communiter alium substituere qui locum deficientis obtineat et censum in parte sua nobis persolvat. Addimus eciam quod si aliquis eorum in predicta platea aliquid edificii vel emendationis fecerit, alii salvis venditionibus et ceteris redditibus nostris vendere poterit. Quod ut ratum in posterum maneat nos sub cyrographo sigilli nostri caractère firmari decrevimus. Actum publice in capitulo nostro anno ab incarnatione verbi Mº. Cº. Lº. IIIIº, astantibus quorum nomina subsignata sunt. Signum Adile abbatisse ; S. Rigsendis priorisse ; S. Ameline cantricis ; S. Mabilie ; S. Odeline ; S. Raineri capellani ; S. David conversi ; S. Sigeri servientis ; S. Bernardi archidiaconi cujus consilio hoc factum est ; S. Scrispani decani ; S. Durandi presbiteri sancti Severini ; S. Henrici presbiteri de Ruel ; S. Scrispini de Moldon ; S. Heri piscatoris ; S. Berneri piscatoris ; S. Ernoldi piscatoris ; S. Durandi de Ruel ; S. Rainaldi majoris de Ruel.