École des chartes » ELEC » Cartulaires d'Île-de-France » Montmartre » Recueil des chartes » Lettre de demi marc d'argent, au pois de Boulongne. Donation devant l'évêque de Térouanne, d'un demi marc, et de 20 sols d'argent de rente.

Lettre de demi marc d'argent, au pois de Boulongne. Donation devant l'évêque de Térouanne, d'un demi marc, et de 20 sols d'argent de rente.

  • B Arch. nat., LL 1605, fol. 2v°.
  • a Recueil des chartes de l'abbaye royale de Montmartre, éd. Édouard de Barthélémy, Paris, 1883.
D'après a.

Ego Milo Dei (gratia) Morinorum episcopus, dilecte sue Christiane abbatisse de Monte-martirum ejusque sororibus regularem vitam professis, in Christo salutem et apostolicam benedictionem. Ea que pro salute animarum a fidelibus racionabili devotione coram nobis facta esse cognoscimus, ne in posterum a pravorum hominum violencia infringantur, scripto retineri ac sigilli nostri munimine roborari utile duximus. Hujus itaque considerationis intuitu, dilecta soror Christiana, tibi et ecclesie de Monte-martirum allodia fratris tui Eustachii et sororum tuarum Cecilie et Hildeburgis confirmamus, que, cum quiete tenerent, tam pro salute animarum suarum quam antecessorum suorum ipsi ecclesie nostre dederunt, et ea ipse Eustachius per dimidiam marcam argenti, Cecilia per decem solidos, et Hildeburgis per decem solidos Boloniensis monete sub censu perpetuo singulis annis tam ab ipsis quam ab heredibus eorum solvendo receperunt, Goronem quoque hominem eorum et ea que ab illis tenebat, libera ecclesie vestre perpetuo concesserunt. Si quis hanc nostre confirmacionis paginam sciens eam infringere temptaverit, donec errorem suum satisfactione correxerit, anathema sit. Actum est autem hoc , coram his testibus : Philippo, Milone archidiaconis, Balduino Wastinensi, Balduino de Milham, Gisleberto clerico, Helnardo Peveres, Gundemno de Holdenehem et aliis pluribus.