Lettre de collation de la Chapellenie de la Chapelle des Martyrs, faite par l'abbesse de Montmartre.
- B Copie duxviie siècle, sur un cartulaire de quelques feuillets, suivie d'une copie de la mise en possession du chapelain Thibaud Quarré, de la même date.
- a Recueil des chartes de l'abbaye royale de Montmartre, éd. Édouard de Barthélémy, Paris, 1883.
Margareta humilis abbatissa monasterii de Montemartirum Ordinis Sancti Benedicti parisiensis diocesis, dilecto nobis in Christo Domino Theobaldo Quarre presbytero, salutem in Domino Capellam seu Capellaniam perpetuam inferiorem Martyrum prope Parisius sitam, cum omnibus juribus et pertinentiis universis, ad collationem nostram et omnimodam dispositionem ratione ejusdem monasterii nostri pleno jure spectantem et pertinentem, nunc liberam et vacantem per resignationem in manibus nostris pleno jure per venerabilem virum dominum Guillelmum Lebreton presbiterum, procuratorem venerabilis viri domini Guydonis Jolivet presbiteri novissimi et ultimi ejusdem capellanie possessoris, causa permutationis vobiscum factæ aut faciendæ ad capellaniam seu capellam fundatam ad altare beati Martini juxta domum in monasterio Sanctæ Genovefæ Parisiensis, quam nuper obtinebatis, factam et per nos admissam, vobis meritorum vestrorum intuitu conferimus et donamus, ac de illa cum omnibus et singulis suis juribus et pertinentiis universis predictis providemus, vos etiam de eisdem Capellania et juribus per presentium traditionem litterarum investimus, recepto prius per nos a vobis et dicto procuratore in animam sui magistri juramento quod in dicta permutatione facta seu facienda non intervenit aut interveniet fraus, dolus, simonia, pravitas, aut alia quævis pactio illicita, et alio quolibet juramento solito et in talibus præstari requisito. Quocirca omnibus presbiteris, vicariis, capellanis et aliis nobis subditis mandamus, et quoscumque alios nobis non subditos requirimus, quatenus vos vel procuratorem vestrum nomine vestro et pro vobis in possessionem corporalem, actualem et realem Capellaniæ, jurium et pertinentiarum predictarum, auctoritate nostra ponant et inducant, seu poni et induci faciant, servatis et adhibitis solemnitatibus in talibus assuetis, vobisque vel procuratori vestro de ipsis Capellanie fructibus, redditibus, proventibus, obventibus et emolumentis universis (traditionem) faciant.... Jure nostro et cujuslibet alieno in omnibus semper salvo. Datum in dicto nostro monasterio sub sigillo nostro millesimo quadringentesimo octuagesimo primo, die vero decima quarta mensis septembris.
