Lettre de la voulte dessoubz Chastelet. Bail de loyer d'une chambre appartenant aux religieuses.

Regnault Auzoust, enlumineur, demourant à Paris, confesse avoir prins et retenu à tiltre de loyer d'argent, du jour de Pasques dernier passé à quatre ans apres eux finis et accomplis, de venérable et discrete personne maistre Pierre Garoul prestre, au nom si comme procureur des religieuses abbesse et couvent de Montmartre, bailleur audit tiltre, une chambre appartenante ausdites religieuses, assise à Paris sous Chastelet devant la porte dudit Chastelet, tenant d'une part à deulx aultres bannes que tient de présent Loys Gaydeau sergent à verge, pour en joyr etc. Cette prinse et retenue faite moiennant le pris et somme de sept frans, quatre sols parisis monnoie courante, que de loyer par chascune desdites années ledit Regnault Auzoust sera tenu, promet et gaige rendre et payer audit maistre Pierre oudit nom etc... aux quatre termes à Paris accoustumés, premier terme de payement eschéant à la saint Jehan baptiste prochain venant, et ainsi de terme en terme. Pour ce en ont obligé etc.. Fait le Jeudi XVIII^e jour d'Avril mil CCCC et vint et deux après Pasques.