Donation par Petronille, abbesse, de 40 sols parisis de rente, sur le four de la Hanterie.
- A Original en parchemin, sceaux perdus. A cette charte est jointe une copie de la méme, en forme de Vidimus, donné par l'official de Paris, le mardi après la Trinité, même année.
- a Recueil des chartes de l'abbaye royale de Montmartre, éd. Édouard de Barthélémy, Paris, 1883.
Omnibus presentes litteras inspecturis, Petronilla ecclesie Montis-martyrum humilis abbatissa, totusque ejusdem loci conventus, salutem in Domino. Noveritis quod nos dedimus et concessimus Ermesendi dicte Canpanie, sorori et moniali nostre, quadraginta solidos parisiensium percipiendas a dicta Ermesende singulis annis quam diu vixerit in furno nostro sito Parisius in magno vico qui vocatur la Hanterie, quatuor terminis, videlicet quartam partem, quartam aliam partem, aliam quartam partem, et aliam quartam partem, pro viginti et duabus libris parisiensium jam nobis solutis in pecunia numerata. Post vero decessum dicte Ermesendis, Odelina de Severa, monialis et soror nostra, de dictis quadraginta solidis recipiet singulis annis quam diu vixerit dictis quatuor termidis viginti quinque solidos parisiensium ; residuum vero dictorum quadraginta solidorum, videlicet XV solidi, post decessum dicte Ermesendis capientur in dicto furno singulis annis ad pitanciam monialium dicte ecclesie, pro anniversario defuncte Ysabellis de Chaverciaco, sororis et monialis nostre, faciendo in die anniversarii predicti. Item post decessum dicte Odeline dicti viginti quinque solidi singulis annis ad pitanciam dictarum monialium, pro anniversario defuncti Petri de Chaverciaco, militis, patris dicte Ermesendis, devolventur in die anniversarii supradicti. Omnia que in singulis continentur articulis nos bona fide firmiter et inviolabiliter observaturas promittimus et non contra venturas. Quod ut ratum et firmum permaneat sigillorum nostrorum caracthere presentes litteras fecimus communiri. Actum .
