Droit d'usage dans la forêt royale de Rouvray près S. Cloud, reconnu par Louis VIII, et échangé par Louis IX en une rente de dix livres parisis.
- B Arch. nat., LL 1030, nº 5.
- a Recueil des chartes de l'abbaye royale de Montmartre, éd. Édouard de Barthélémy, Paris, 1883.
Ludovicus Dei gracia Francorum rex. Notum facimus qùod nos litteras inclite recordationis regis Ludovici genitoris nostri vidimus sub hac forma : « Ludovicus Dei gracia Francorum rex, universis ad quos littere presentes pervenerint salutem. Noveritis quod nos inquiri fecimus diligenter, quale jus et quale usuagium abbatissa et capitulum Montis-martyrum debebant habere in nemore nostro de Roboreto pro se et hominibus suis de maisnilio sito juxta Sanctum Clodoaldum, et nos ex inquisitione didicimus quod ecclesia Montis-martyrum duas quadrigatas ramorum debet habere de ramis remanentibus . Dicti vero homines sui de maisnilio in dicto nemore nostro de Roboreto habent mortuum ramum ad acrochandum cum crocheto per mortuum nemus ; preterea habent brueriam et genestam in dicto nemore extra talleicia que se de bestiis deffendere non possunt, habent eciam dicti homines pascua ad boves et vaccas in bosco quod de bestiis se deffendit. Actum Parisius . « — Nos autem quum predicte abbatissa et conventus supradictis duabus quadrigatis ramorum, pro eo quod dictis abbati et conventui beati Dyonisii quadrigatam suam nemoris excambieramus alibi, privabantur, eisdem abbatisse et conventui Montis-martyrum loco predictarum duarum quadrigatarum ramorum pietatis intuitu dedimus et concessimus in perpetuam elemosinam decem libras parisiensium annui redditus pro emendis lignis ad ardendum ad opus ipsarum abbatisse et conventus in prepositura nostra parisiensi percipiendas annuatim, statuentes ut, quicumque prepositus noster Parisius fuerit, dictis abbatisse et conventui easdem decem libras predicto termino reddat annis singulis et persolvat. Quod ut ratum et stabile perseveret presentes litteras sigilli nostri munimine fecimus roborari. Actum apud Vicenas .
