Clef de la Chapelle des Martyrs, confiée à la confrairie de S. Denys.

Jehan Lecointe, Guillaume du Pré, Guillaume Aubin, et Laurent Lormier orfèvres et bourgeois de Paris, ou nom et comme maistres et gouverneurs de la confrairie Monseigneur sainct Denys des Martyrs fondée en la chapelle Sainct Denys des Martyrs-lèz-Montmartre, confessent que, à leur prière et requeste, religieuse et honneste dame Madame l'abbesse de Montmartre leur avoit et a baillé une clef pour ouvrir et clorre ladicte chapelle de Sainct Denys des Martyrs, pour y faire dire et célébrer les messes de ladicte confrairie, afin de les relever des peynes et travaulx quilz avoient daller quérir icelle clef à chascune fois en ladicte abbaye ; soubz telle condition que lesdictz maistres seront tenus et promettent de rendre, restituer et remettre en la main de ladicte abbesse icelle clef, toutes et quantes fois qu'il plaira à icelle abbesse, ..... Faict et passé le Dimanche vingt huictiesme jour du mois de Décembre l'an mil quatre cens quatre vingt et trois.