Fondation du prieuré des Martyrs.

Silvius a Petraviva doctor theologus, insignis ecclesiæ parisiensis Cancellarius et Canonicus, et Dyonisius Le Blanc presbiter, jurium licentiatus, dictæ parisiensis ecclesiae canonicus, vicarii generales in spiritualibus et temporalibus III. et Rever.. in Christo patris et domini, domini Henrici miseratione divina S. R. E. presbyteri cardinalis de Retz nuncupati, parisiensis episcopi, universis præsentes litteras inspecturis, salutem in Domino. — Notum facimus quod visis per nos libello supplice pro parte abbatisse et sanctimonialium monasterii beatæ Mariæ de Monte-martyrum restituti regulari disciplinæ..... ordinis Sancti Benedicti, prope Parisios, III. et Rever. domino Cardinali parisiensi episcopo præfato, seu nobis.... oblato et porrecto ad fines dotandi et erigendi sacellum et oratorium, in honorem et memoriam sanctorum martyrum Dionysii et sociorum prius consecratum, in prioratum et conventum sub invocatione et sub titulo ejusdem sacri martyrii divi Dionysii et sociorum, cujus, adveniente vacatione, collatio, provisio, institutio et quævis alia dispositio ad abbatissam sive cœnobiarcham præmissi monasterii de Monte-martyrum ratione antedicti cœnobii pendeat, et pertineat, necnon uniendi et incorporandi præfato conventui et prioratui duas Capellanias in antiqua prædicta ædicula aut sacello olim fundatas et ibi deserviri solitas, cum suis juribus et pertinentiis universis, atque ad hunc effectum contractum super hujusmodi fundatione et erectione.... inter præfatam abbatissam et sanctimoniales sorores dicti cœnobii et nobilem dominam Annam de Beauvilliers viduam, relictam defuncti nobilis et egregii viri domini Petri Forget...., dum viveret domini temporalis de Fraxinis, initum et constitutum homologandi, confirmandi et approbandi tendentes, ordinatione ejusdem Illust. domini Cardinalis antistitis parisiensis in calce ejusdem libelli supplicis adscripta acta visitationis ejusdem sacelli.... per præfatum Illustr. Cardin. in propria persona facte, etc.......... ; prædicto contractu in forma authentica et super hujusmodi fundatione, dotatione, institutione, erectione, unione et incorporatione prioratus et conventus supradicti solemniter inito et constituto, una cum clausulis.... mentem... præmissæ dominæ de Beauvilliers, necnon approbationem....., prædictæ fundationis et erectionis per supra nominatas dominas abbatissam et sanctimoniales... præ se ferentibus, signato Remond et Leroux de die decima mensis Martii novissime effluxi anni præsentis et currentis, litteris procuratoriis magistri Michaelis Giffard capellaniarum prædictarum capellani......... ad resignandum simpliciter, ad effectum tamen unionis et incorporationis.... et non alias nec alio modo ; titulis et documentis fundationum antiquarum capellaniarum suprascriptarum, nobis communicatis et exhibitis, promotorum dictæ curiæ episcopalis parisiensis.... conclusionibus scripto datis, omnibus vero quæ in hac parte videnda erant visis et mature consideratis ; attentis piis et fidelibus votis præmissæ dominæ de Beauvilliers dominæ de Fresnes, habita etiam ratione amplificationis cultus divini et venerationis sanctorum Dionysii et sociorum martyrum, ad majorem Dei gloriam, quia ex præmissis nobis constitit et constat dictum contractum... in evidentem utilitatem et commodum ecclesiæ prædicti monasterii Montis-martyrum, divini cultus augmentum, populi ædificationem, piorum consolationem vergere et cedere, Nos vicarii generales præfati ea propter præmemoratum contractum ac omnia et singula in eo contenta..... laudavimus, approbavimus et omologavimus, laudamusque, approbamus et omologamus per presentes, ad leges et conditiones in eo præscriptas, ac proinde fundationem et dotationem dictæ dominæ Annæ de Beauvilliers acceptandam esse, eaque de causa ædiculam in honorem sacri martyrii divi Dionysii et sociorum constructam in prioratum et conventum ereximus et erigimus, ac in posterum prioratum et conventum Sacri Martyrii... dici et nuncupari, ab omnimoda dispositione præfatæ abbatissæ dependentem. Quæ quidem abbatissa sanctimoniales seu religiosas numero decem, ad divinum et tam diurnum quam nocturnum officium in perpetuum persolvendum, in dicto prioratu et conventu actu residentes habere et tenere tenebitur. Cujus etiam prioratus et conventus præmissa domina Anna de Beauvilliers fundatrix et benefica patrona agnoscetur et habebitur, ad cujus votum et desiderium.... religiosas præmissas ibidem residentes.... horas canonicas decantare quotidieque divina officia celebrare ......necnon suffragia in prædicto contractu præscripta pie et devote persolvere, eadem institutione adstrinximus et adstringimus ; atque hujus piæ fundationis ac dotationis intuitu prædicta domina Anna de Beauvilliers juribus, privilegiis et gratiis fundatoribus et benefactoribus ecclesiarum concedi solitis, uti, frui et gaudere debebit, eaque de causa, in tam munificæ pietatis gratiam, annui proventus summæ mille ducentarum librarum turonensium quem pro fundatione prioratus Ville episcopalis spoponderat ipsa domina Anna de Beauvilliers, donec sufficienti redditu constaret, cum jam eidem prioratui... aliunde sit débite provisum.....libera et exonerata remanebit ; summam vero septem et viginti mille librarum quam pro dotatione et institutione prædicti conventus et prioratus Sancti Martyrii suppeditare.... pepigit supradicta domina....., in prædii alicujus et fundi realis acquisitionem ad dcti prioratus emolumentum collocare et insumere præfatæ D^næ Abbatissa et Sanctimoniales tenebuntur, quæ videlicet acquisitio ab ipsis alienari.... non poterit nisi ad effectum in dicto contractu expressum. Quod autem ad incorporationem duarum capellaniarum attinet.... dicimus, ordinamus et decernimus presentium tenore... easdemque capellanias eisdem prioratui et conventui annectimus et incorporamus..... In quorum præmissorum fidem et testimonium, has præsentes litteras per magistrum Joannem Baudouyn .... notarium juratum et episcopatus parisiensis secretarium ordinarium fieri et signari, sigillique cameræ præfati Illust^mi Domini Cardinalis fecimus et jussimus appencione communiri. Datum Parisiisanno Domini 1622, die 7ª mensis Junii.