École des chartes » ELEC » Cartulaires d'Île-de-France » Notre-Dame de la Roche » Chartularium Abbatiæ Beatæ Mariæ de Roscha » De decima de Paucovillari.

De decima de Paucovillari.

  • B Bib. nat. de Fr., ms. lat. 10996, cartulaire.
  • a Cartulaire de l'abbaye de Notre-Dame de la Roche, éd. Auguste Moutié, Paris, 1862.
D'après a.

Universis presentes litteras inspecturis, Officialis curie Parisiensis, salutem in Domino. Notum facimus quod, in nostra presencia constituti, Galterius de Poissiaco, miles, et Ysabellis, uxor ejus1, asseruerunt quod defuncta Petronilla, uxor quondam Symonis de Levies, militis, quondam matris dicte Ysabellis, dederat et concesserat in perpetuam elemosinam ecclesie Beate Marie de Roscha tres modios bladi, medietatem hybernagii et medietatem avene, percipiendos annuatim , ab abbate et conventu ejusdem ecclesie super decima sua de Paucovillari. Asseruerunt etiam quod voluerat et concesserat Petronilla predicta quod, si decima de Paucovillari ad solutionem dictorum trium modiorum bladi annuatim faciendam non sufficeret, quod deffectus caperetur in decima ipsius de Nant. Asseruerunt etiam quod decimas antedictas eadem Petronilla obligaverat ad solvendum dictos tres modios bladi ecclesie de Roscha predicte annuatim, prout superius est expressum. Asseruerunt etiam quod dicta Ysabellis in jus quod habebat antedictis eidem Petronille successerat tanquam heres. Quam elemosinationem et concessionem iidem G. et Ysa. coram nobis voluerunt, laudaverunt pariter et concesserunt, et fide media promiserunt quod contra eandem per se vel alios non venturos ; onerantes et obligantes coram nobis et obligatos relinquentes, decimas antedictas de tribus modiis bladi dicte ecclesie annuatim reddendis, prout superius est expressum, ad usus et consuetudines Francorum contra omnes heredes suos et illos qui sunt sive erunt de parentela eorum, et ad hoc heredes suos obligatos relinquentes quantum ad premissa omnia et singula se juridictioni Parisiensis curie supponentes ; volentes et concedentes quod si deficerent in premissis, vel aliquo premissorum, quod nos in ipsos, ubicunque se transtulerint, excommunicationis sententiam proferamus. .

1 Isabelle, fille unique issue du premier mariage de Simon de Lévis avec Petronille, dame de Poivilliers, dont il a été question dans les chartes précédentes. Les chartes des abbayes des Vaux de Cernay et de Joyenval nous ont fait connaître un assez grand nombre de personnages du nom de Poissy, avec divers prénoms, parmi lesquels la différence des armoiries de leurs sceaux nous a fait reconnaître deux familles distinctes. L'insuffisance des documents que nous avons recueillis jusqu'à présent d'un côté, et de l'autre le silence des généalogistes, nous empêchent de déterminer ici à laquelle de ces deux familles appartenait le mari d'Isabelle de Lévis.