Concessio decime de Menildon.
- B Bib. nat. de Fr., ms. lat. 10996, cartulaire.
- a Cartulaire de l'abbaye de Notre-Dame de la Roche, éd. Auguste Moutié, Paris, 1862.
Universis presentes litteras inspecturis, ego Guido, miles, dominus Caprosie, salutem in Domino. Notum facimus universis quod cum Petrus de Capella, miles, et Luciana, ejus uxor, vendidissent duos modios bladi annui redditus in decima sua de Menildon, sita in parrochia de Caprosia, et etiam quicquid habebat (sic) in totali decima ejusdem ville, et eciam in territorio ejusdem, et quicquid Guillermus, armiger, frater ejusdem Petri, in eisdem locis habebat ibi de decima, assensu G. expresso interveniente, ecclesie Beate Marie de Roscha ordinis Sancti Victoris ; quam decimam tenebat in feodum a Symone de Malveriis, milite, primo loco, et idem S. a nobis immediate. Nos, ad preces dicti Petri, militis, dictam venditionem volumus et concedimus et rectam habemus ; volentes et concedentes quod eandem decimam teneat ecclesia predicta de cetero in manu mortua sine aliqua coactione [vendendi], seu ponendi extra manum suam. Promittimus insuper quod de cetero in eadem decima nec per nos nec per alium nichil juris de cetero reclamabimus, sed ipsam venditionem ex nunc ratam habemus et in perpetuum habebimus. .
