De eadem concessione.

Omnibus présentes litteras inspecturis, abbas et conventus Beate Marie de Roscha, in Domino salutem. Noverint universi quod nos, considerata et pensata utilitate ecclesie nostre, quitavimus penitus et expresse monachis Beati Petri Fossatensis et prioratui de Yveta quidquid juris habebamus vel habere poteramus ratione parrochiagii de Sancto Nunno seu aliocumque modo in decimis novalium factorum vel faciendorum que sunt sita infra metas parrochie dicti Sancti Nunni in dominio dicti prioratus de Yveta ; promittentes quod contra dictam quitationem ratione dicti parrochiagii Sancti Nunni seu aliocumque modo, per nos vel per alios nullatenus non veniemus, et quod in decimis dictorum novalium in dominio dicti prioratus de Yveta factorum et faciendorum nichil juris reclamabimus in futurum, nec abbatem et conventum Sancti Petri Fossatensis, seu priorem dicti prioratus de Yveta super dictis decimis dictorum novalium, in judicio vel extra molestabimus seu trahemus in causam. In cujus rei recompensationem, abbas et conventus Sancti Petri Fossatensis, nec non et dictus prior de Yveta voluerunt et concesserunt quod nos teneamus et possideamus in perpetuum, in manu mortua sine coactione vendendi, distrahendi seu extra manum suam ponendi, tria arpenta prati sita juxta fontem de Yveta in censiva et dominio dicti prioratus de Yveta ad unicum denarium tantummodo censualem, sine onere alterius consuetudinis, servitii, costume ; remmittentes nobis quinque alios denarios, quibus quinque denariis cum prefato denario dicta tria arpenta prati onerari solebant. Datum anno Domini 1249, mense maio.