École des chartes » ELEC » Cartulaires d'Île-de-France » Notre-Dame de la Roche » Pièces Justificatives » Partage des biens de la maison de Montfort et de Castres.

Partage des biens de la maison de Montfort et de Castres.

  • A Arch. du domaine de Montpellier, Castres, nº 12
  • a D. Vaissette, Histoire générale de Languedoc, tome IV, p. 94-95.
  • b Cartulaire de l'abbaye de Notre-Dame de la Roche, éd. Auguste Moutié, Paris, 1862.
D'après b.

Noverint, etc.... cum nos Joannes de Monteforti, comes Squillacii et Montis-Caveosi, ac regni Siciliæ camerarius ; Bernardus de Convenis, miles, primogenitus D. comitis Convenarum, nomine ac pro parte Lauræ de Monteforti, consortis nostræ ; Laura de Monteforti prædicta et domicella Elienors de Monteforti, quasdam terras, villas, castra et jura feudalia, pertinentia nobis jure successionis paternæ et maternæ quondam bonæ memoriæ D. Philippi de Monteforti, patris, et D. Joannæ de Leviers, matris nostrûm prædictorum Joannis, Lauræ et Elienoris, tam in Francia, quam in Albigesio, Radesio, Agadesio et Narbonesio, communia possideremus et haberemus : placuit mihi prædictæ Elienori scire et habere velle partem meam in prædictis, ratione prædictæ successionis, contingentem, etc. De communi voto et consensu nostrûm omnium prædictorum, ac etiam tractatu virorum nobilium D. Guidonis de Leviers, D. Mirapiscis, charissimi avunculi nostri ; necnon D. Joannis de Alneolo, D. de Denisiaco, et D. Joannis de Burlaccio senioris, facta est mihi prædictæ Elienori, et assignata finaliter de prædictis bonis pars subscripta ; videlicet terra de Bertoldi-Curia cum castellaria sua.... pro CCCC libris turonensibus, etc., tali pacto, etc. Item, Castra Aviacii et Beciani in Agadesio, cum suis juribus et pertinentiis, et XL libras turon. assignentur mihi in redditibus, cum omni jurisdictione alta et bassa super villa de Bezola, sita in Radesio ; de qua parte sum firmiter et bene contenta, quitans prædictis consortibus meis omne jus quod mihi competit in reliquis terris, castris, villis et juribus, ratione divisionis prædictæ, excepta causa de Lumberiis quæ communiter prosequitur : et promitto legaliter, nunquam inde venire contra, sed semper in prædicta divisione manere et ipsam gratam et ratam habere. Et nos, qui supra, Joannes, Bernardus et Laura prædictam divisionem et partem ratificamus, etc. Et ego prædicta Elienors, vobis prædicto D. Joanni, charissimo fratre meo, pro prædicta terra Franciæ feci homagium, ut est moris et juris. Et ut prædicta omnia fidei robur obtineant ac etiam perpetuæ firmitatis, etc., facta sunt inde tria consimilia scripta, sigillis nostrûm, qui supra, Joannis, Bernardi, Lauræ et Elienoris, ac etiam prædictorum nobilium communita, etc. Actum in Ruppecurva .