De servitio debito D. regi per terrarios senescalliæ Carcassonæ.

Anno D. MCCLXVIII x kal. junii, D. Guido de Levis, marescallus Mirapicis, obtulit D.G. de Cohardone, militi, senescallo Carcassonæ et Biterris, quasdam litteras clausas D. regis sub iis verbis :

Ludovicus, D. G. Francorum rex, senescallo Carcassonæ : Dilecti et fideles nostri Guido de Levis, marescallus Mirapicensis ; Lambertus et Simon de Tureyo, fratres, domini Saxiaci et Podii-Terricii ; Geraldus de Cane-Suspenso et Johanna, relicta quondam Petri de Vicinis de Limoso, nobis per suas litteras intimarunt, vos eis et aliis terrariis senescalliæ vestræ præcipisse quod ad opus Carcassonæ faciant residentiam cum servitio quo nobis sunt obligati ; unde cum prædicti milites ad excusationem prætenderunt...... Mandamus vobis quatenus, nisi necessitas vel periculum immineat de prædicta residentia facienda, sufferatis eosdem usque ad festum S. Remigii.... etc. Datum apud Vernonum die sabbati ante Ascensionem Domini.

Nobilibus viris et amicis suis carissimis D. Philippo de Monteforti, D. Guidoni de Levis, marescallo Mirapicis ; D. Lamberto de Montilio, D. Lamberto de Limoso, D. Simoni, fratri ejus ; liberis D. Petri de Vicinis, D. Geraldo de Cane-Suspenso,..... 1 Guillelmus de Cohardone, miles et senescallus Carcassonæ et Biterris, salutem et sinceram dilectionem. Mandamus vobis universis et singulis, ex parte excellentissimi D. regis Francorum firmiter et districte, et de mandato ejus speciali, hinc ad festum Ramorum Palmarum apud Carcassonam, cum uxoribus et familiis vestris, et cum numero militum debito, in civitate Carcassonæ permansuri et vestra domicilia facturi pro servitio terrarum ac domorum quæ a D. rege tenetis, quamdiu juxta beneplacitum D. regis nobis visum fuerit expedire, quam diem ad hæc vobis peremptorie assignamus. Alioquin ex tunc, juxta mandatum D. regis, quanquam inviti, terras vestras saysiremus et fructus pro D. rege levaremus. Datum Carcassonæ nonas februarii, anno Domini MCCLXVIII.

Item, fuit mandatum per litteras D. senescalli infrascriptas, D. Petro Rogerii de Mirapisce, D. Isarno de Fano-Jovis, D. Raymundo de Ruppeforti, Odoardo de Monte-Mauro, domino de Monte-Blachi ; Petro Amalrici de Vantagione, Galhardo de Toro, D. de Rapissacho ; Stephano Martini, Johanni de Conchis....., D. Johanni de Brueriis, D. Lupo de Fuxo, D. Guillelmo Petri de Duroforti... etc., ad quam diem venerunt ad prædictam citationem dicti D. senescalli Carcassonæ omnes terrarii infrascripti videlicet : Guido de Levis, marescallus Albigesii et D. Mirapiscis, excusavit uxorem suam propter debilitatem ; D. Odo de Insula cum uxore sua ; Johannes de Insula ; D. Symon de Tureyo excusans uxorem suam propter debilitatem ; D. Petrus Rogerii de Mirapisce excusans D. Isarnum, fratrem suum, propter infirmitatem ; Guill. Bernardi de Duroforti ; Lupus de Fuxo, D. Raymundus Albanus, D. G. Albani, Johannes de Sallelis ; Petrus Amalrici, B. de Rapissacho cum uxore sua ; D. Ermengardis de Pomaribus, pro se et liberis suis ; D. Geraldus de Cane-Suspenso, D. Jorris, cum uxore sua........ etc., etc., qui omnes supradicti venerunt ad civitatem Carcassonæ ad mandatum D. senescalli, afferentes se paratos obedire ejus mandato et venire quotiescumque ei placuerit ad servitium D. regis ; et cum per aliquos dies ibi residentiam fecissent, licentia per dictum D. senescallum postea recesserunt. Actum Carcassonæ, dominicæ ante festum beati Barnabæ, anno D. MCCLXIX, in præsentia magistri Bartholomæi de Podio, judicis Carcassonæ ; D. Arnaldi Filiolis, militis... etc.