École des chartes » ELEC » Cartulaires d'Île-de-France » Notre-Dame de la Roche » Chartularium Abbatiæ Beatæ Mariæ de Roscha » Quod pueri de Ructoria concedunt vinee (sic) de la Crote quam dedit nobis mater ipsorum.

Quod pueri de Ructoria concedunt vinee (sic) de la Crote quam dedit nobis mater ipsorum.

  • B Bib. nat. de Fr., ms. lat. 10996, cartulaire.
  • a Cartulaire de l'abbaye de Notre-Dame de la Roche, éd. Auguste Moutié, Paris, 1862.
D'après a.

Universis presentes litteras inspecturis, dominus Milo de Ructoria, miles, et fratres ejus, videlicet Egidius1, clericus, et Symon, armiger, salutem in Domino. Noverit universitas vestra quod nos volumus et concedimus donationem quam fecit Ysabellis, nobilis quondam domina de Ructoria, precordialis mater nostra, ecclesie Beate Marie de Roscha, scilicet de quodam arpento vinee, sito in territorio de la Crote2 prope Marliacum castrum ; promittentes bona fide quod contra dictam donationem per nos nec per alios non ibimus, nec dictam ecclesiam in aliquo molestabimus ratione donationis antedicte. Ad cujus rei certitudinem, presentes litteras sigillorum nostrorum munimine fecimus roborari. .

1 Egidius est le même nom que Gilo du nº LX. Voyez aussi les nos LXXX, LXXXI et LXXXII.
2 Voir le nº LXIII, où le même lieu est nommé Crota.