Concessio ejusdem decime in manu mortua tenende.

Ego Guido de Caprosia1, miles, notum facio universis presentes litteras inspecturis quod venditionem quam dominus Richardus de Argal, miles, et domina Evelina, ejus uxor, fecerunt abbati et conventui Beate Marie de Roscha de omni eo quod ipse Richardus et ejus uxor habebant vel habere poterant in decima de Tranbleia, sita in parrochia de Nemore Arsicii, que movet de feodo meo tanquam primus dominus, volo, laudo pariter et concedo et promitto fide prestita corporali quod dictam decimam cum omni jure et jurisdictioni ad eam pertinente, que idem miles et predicta ejus uxor in dicta decima de Tranbleia et in tota parrochia de Nemore tempore predicte venditionis habebant et habere poterant, eisdem abbati et conventui in manu mortua garentizabo in perpetuum tanquam primus dominus feodi, sine coactione vendendi seu extra manum suam ponendi, contra omnes ad hoc me et heredes meos specialiter obligando. In cujus rei robur et perpetuam firmitatem, sigillum meum duxi presentibus litteris apponendum. Datum anno Domini Mº CCº quadragesimo quarto, mense decembri.