École des chartes » ELEC » Cartulaires d'Île-de-France » Notre-Dame de la Roche » Pièces Justificatives » Compositio inter ecclesiam Sancti Dyonisii et filios Philippi de Leviis.

Compositio inter ecclesiam Sancti Dyonisii et filios Philippi de Leviis.

  • A Arch. nat., LL 1157.
  • B Cartulaire de Saint-Denis, p. 540.
  • a Cartulaire de l'abbaye de Notre-Dame de la Roche, éd. Auguste Moutié, Paris, 1862.
D'après a.

J[ohannes], Sancte Genovefe Parisiensis dictus abbas, et A...., prior Sancti Germani de Pratis, omnibus ad quos littere iste pervenerint salutem. Noverint universi presentes pariter et futuri quod cum causa que inter venerabilem abbatem et monachos beati Dyonisii, ex una parte, et filios defuncti Philippi de Leviis, videlicet archidiaconum Pissiacensem, Milonem,Guidonem, Alexandrum et Symonem ac matrem eorum super quibusdam rebus, exaltera, vertebatur : R[oberto], quondam abbati Sancti Germani1, et nobis summus pontifex delegavit canonice terminandam. Tandem, controversia inter eos exorta hujusmodi est, compositione interveniente, direpta. Predicti monachi Beati Dyonisii et filii defuncti Philippi de Leviis, archidiaconus Pissiacensis, Milo, Guido, Alexander et Symon ac mater eorum innostra presentia convenerunt ; et coram nobis monachi Beati Dyonisii predictis filiis Philippi de Leviis et matri eorum granchiam de Mesnil-Sevin, cum pertinenciis suis, et omnes censivas quas de Beato Dyonisio usque ad tempus hujus facte compositionis tenebant, salvis suis redditibus quos ibi consueverant habere atque justicia, quitaverunt, excepto feodo Balduini Cochere, reddito illis precio quod pro illo dederant monachis Beati Dyonisii. Predicti fratres ac mater eorum penitus quitaverunt molendino (sic) de Chastellon et omnes emptiones quas apud Bellum Ramum fecit pater eorum et terra de Moncel et de Champermeries, salvis sibi redditibus quos ibi habere sunt soliti. Assignaverunt preterea hominibus Beati Dyonisii prenominati fratres, ad usuarium, nemoris sui quinquaginta arpennos conjunctos nemori monachorum Beati Dyonisii, predictis hominibus pro usuario assignato ; residuum nemoris sui predicti fratres tenebunt in pace, ita quod fundus terre erit Beati Dyonisii si ipsum nemus contigerit extirpari. Istum pacis modum quem premisimus et tenorem se ratum habere coram nobis pars utraque asseruit ; sed ne quod juste est terminatum futuris temporibus in residive contentionis scrupulum possit venire, de hac habita compositione testimoniales nostras litteras sigillis nostris munitas utrique parti tradidimus. Actum .


1 Robert IV, abbé de Saint-Germain, mourut le 14 mars,selon un nécrologe de son abbaye. (Gall. christ., t.VII, col. 447.) — La date de notre charte est donc postérieure à cejour.