De quinque solidis in censu de Caprosia.
- B Bib. nat. de Fr., ms. lat. 10996, cartulaire.
- a Cartulaire de l'abbaye de Notre-Dame de la Roche, éd. Auguste Moutié, Paris, 1862.
Ego Guido de Caprosia, miles, notum facio universis presentes litteras inspecturis, quod cum ego tenerer defuncte Ysabelle de Toussus1 reddere quinque solidos censuales, percipiendos annuatim in meo magno censu de Caprosia a dicta domina in perpetuum ; ipsa domina, de voluntate et consensu suorum heredum, predictos quinque solidos censuales ecclesie Beate Marie de Roscha in puram et perpetuam elemosinam contulit et concessit percipiendos a dicta ecclesia in eodem censu, de me et heredibus meis, eodem modo quo percipiebat dicta domina dum viveret. Hanc autem donationem volui, laudavi et concessi. Et ut hoc firmum et stabile permaneat, presentem paginam sigilli mei munimine roboravi. Actum .
