De decima de Talon.
- B Bib. nat. de Fr., ms. lat. 10996, cartulaire.
- a Cartulaire de l'abbaye de Notre-Dame de la Roche, éd. Auguste Moutié, Paris, 1862.
D'après a.
Noverint universi presentes pariter et futuri quod ego Petrus de Capella, miles, pro remedio anime mee, antecessorum et successorum meorum, dedi in puram et perpetuam elemosinam ecclesie Beate Marie de Roscha decimam meam de Talon1 et quicquid in dicta decima habebam, vel quocunque modo habere poteram, dicte ecclesie perpetuo possidendam. Quod ut firmum et stabile permaneat, presentem paginam sigilli mei munimine roboravi. .
