Sententia Iata contra presbiterum de Toussus1."

In nomine Patris et Filii et Spiritus Sancti, amen.

Proponente in jure coram nobis fratre Ingeranno, de Roscha canonico, procuratore generali abbatis et conventus de Roscha, nomine eorumdem contra dominum Petrum, presbiterum de Toussus, quod cum fuisset controversia et lis mota inter fratrem Gilbertum, quondam abbatem de Roscha2, nomine suo et nomine conventus sui ex una parte ; et dictum presbiterum ex altera, super quibusdam decimis et novalibus de Logiis : dictus abbas suo et conventus predicti nomine, et presbiter memoratus super dicta controversia et super omnibus aliis controversiis motis inter eos compromiserunt in Odonem de Monsterolio et Stephanum de Giffivilla, presbiteros, promittentes bona fide, se inviolabiliter observaturos quicquid dicti arbitri pace vel judicio alte et basse super premissis ducerent statuendum. Proponente eciam dicto procuratore, nomine procuratorio dictorum abbatis et conventus, contra dictum presbiterum quod conventum fuit inter partes predictas quod pars que ab arbitrio dictorum arbitrorum resiliret, solveret parti arbitrium observare volenti decem libras Parisienses nomine pene. Proponente insuper dicto procuratore contra dictum presbiterum quod dicti arbitri suum arbitrium protulerunt in modum qui sequitur : dicimus et pronunciamus per arbitrium nostrum quod idem presbiter reddet monasterio de Roscha...., etc. 1 Proponente eciam dicto procuratore, nomine procuratorio dictorum abbatis et conventus, quod dictus presbiter in prejudicium ipsorum abbatis et conventus contra arbitrium sive dictum dictorum arbitrorum veniendo percepit, seu percipi fecit a duobus annis citra decimam novalium decem et novem vel viginti arpentorum terrarum arabilium vel circiter, sitarum in Fayel Parvo, vel Fayel Magno, quam decimam dictus procurator estimavit a duobus predictis annis citra ad valorem sex sextarios bladi ; et ob hoc petente eodem procuratore, nomine procuratoris dictorum abbatis et conventus, dictum presbiterum de Toussus a nobis compelli ad observationem arbitrii dictorum arbitrorum et eidem presbitero perpetuum silencium imponi super decima decem et novem vel viginti arpentorum terrarum predictarum, et eciam ad reddendum eisdem abbati et conventui predictos sex sextarios bladi pro arreragiis dictorum duorum annorum. Dicto presbitero in jure coram nobis comparente personaliter et litem contestando, recognoscente se percepisse, vel percipi fecisse per duos annos decimam decem et novem vel viginti arpentorum terre, negante tamen se percepisse, seu percipi fecisse decimam dictarum terrarum in prejudicium abbatis et conventus memoratorum contra arbitrium dictorum arbitrorum veniendo, cum dicte terre non sint site in Fayello Magno vel Parvo, ut dicebat, citra omnia et singula asserente vera esse. Lite igitur super premissis plenius contestata, prestito post modum ab ipsis procuratore et presbitero de veritate dicenda juramento, testibus hinc inde ad intentionem suam fundandam productis et attestationibus eorum publicatis et diligenter inspectis, auditis partibus in hisque coram nobis proponere in judicio voluerunt, consideratis omnibus, que nos movere poterant et debebant, cunctisque rite actis, die assignata ad audiendum diffinitivam sententiam, partibus presentibus et ; sententiam fieri instanter poscentibus : nos, communicato bonorum virorum et virorum peritorum consilio, per diffinitivam sententiam condempnavimus predictum presbiterum ad observationem arbitrii ratione cujus agitur inter partes predictas ; per eamdem sententiam dicto presbitero silencium imponentes super decima novalium terrarum ratione quarum agitur coram nobis ; dictum presbiterum per eamdem sententiam condempnantes ad reddendum abbati et conventui memoratis sex sextarios bladi pro arreragiis dictorum duorum annorum, supradictis abbati et conventui questione expensarum in lite factorum per eamdem sententiam reservata. Datum anno Domini Mº CCº quinquagesimo tercio, mense junio.