Foy et hommage de la baronnie de Lévis par Jacques de Crussol.

Henry, par la grâce de Dieu Roy de France et de Poloigne, etc. Sçavoir vous faisons que nostre amé M^e Denis de Marque, procureur en nostre chambre desdits comptes, au nom et comme procureur..... de nostre cher et bien amé M^re Jacques de Crussol, duc d'Uzès, pair de France, comte de Crussol, seigneur d'Assier, baron de Lévis, Florensac, Vias et Baudiner, chevalier de nostre ordre, conseiller en nostre conseil privé et nostre lieutenant général au bas pays de Languedoc,... nous a aujourd'huy, audit nom, fait au bureau de nostre dite chambre des comptes les foy et hommage que ledit de Crussol estoit tenu nous faire pour raison de sa terre et baronnie dudit Lévis, ses appartenances et dépendances, tenue et mouvante de nous à cause de nostre grosse tour du Louvre et à luy appartenant ; auxquels foy et hommage ledit de Marque, audit nom, a esté receu sauf nostre droit et l'autruy. Si vous mandons, etc. Donné à Paris, le 16^e jour de février, l'an de grâce M V^e LXXVI et de nostre règne le deuxième.