Diplôme de Philippe I en faveur de l'Abbaye de St-Germain.
- A Original disparu.
- B Vidimus de Jehan Fermin, notaire apostolique, en date du 17 novembre 1490. Cart. 44
- C Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam lib. I, cap. ii (ex authentica).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
- b Transcription incomplète, omettant la partie du texte entre crochets. Gallia christiana, tome XI, preuves, col. 17
- c Transcription incomplète, omettant la partie du texte entre crochets. Du Chesne, Histoire de la Maison de Montmorency, preuves, p. 25.
In nomine S. et I. Trinitatis. Ego Philippus Dei gratiâ Francorum Rex. [Cum novum vetusque Testamentum patrem matremque carnalem honorare præscipiat, dicendo : « Honora patrem et matrem ut sis longævus super terram » Christianæ religionis est, ut patrem nostrum Deum et matrem nostram Sanctam Ecclesiam, cujus regeneratio spiritualis plus nobis ad salutem animæ, quam carnalis ad salutem corporis proficiat, honore condigno habeamus ; et quoniam Abrahæ filii sumus, Sarram, id est Ecclesiam, Agar quæ est sinagoga, destructâ, honorificabiliter exaltemus, ut non tanquam filii ancillæ, sed tanquam filii liberæ, in medio cœlestis ecclesiæ os nostrum mereamur aperire, et impleti spiritu sapientiæ valeamus evidenter proclamare : « Domine, dileximus decorem domus tuæ et locum habitationis glorias tuæ. » In hâc ergo sanctâ matre Ecclesiâ in quâ, ut dictum est, regenerati habitare cupientes, hanc terrenam ecclesiam tyrannorum pressuris afflictam, prout possumus, liberare studeamus, quia scriptum est : « Qui elucidant me vitam æternam possidebunt. »]
Elucidare autem volentes ecclesiam S. Germani per deprecationem procerum Castri Pontis Isarœ, Warnerii18 scilicet et Amaurici3, cœterorumque illustrium virorum, quorum beneficiis et eleemosinis in tantum surrexerat, ut parietibus circumdaretur, et a paucis monachis Deo servientibus inhabitaretur : quorum supplicationibus humillimè condescendens, pro animâ patris mei, parentumque meorum memoriâ, ecclesiæ supradictæ libertatem hanc tribui, ut quidquid semel dono vel emptione receperit, absque inquietudine possideat. Et ut hoc firmum permaneat, sigilli mei impressione signavi, meisque fidelibus infrascriptis ad corroborandum attribui.
S. Comitis Hugonis19.
S. Walerani20.
S. Balduini dapiferi.
S. Rainaldi buticularii.
S. Walterii cunstabularii.
S. Widonis de Monte Letario21.
S. Adam de Insula22.
S. Terboudi de Montmorentiaco23.
S. Lancelini de Bellovaco24.
S. Stephani præpositi de Parisio.
Petrus cancellarius relegendo subscripsit.
Actum ad Pontem Isarœ , regisque Philippi regnantis nono25.
