Diplôme de Philippe-Auguste confirmant une aliénation temporaire des biens de l'Abbaye faite par l'abbé Hellouin à Hugues de Gournay,
- B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, ix, 1 (ex ipso diplomate).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Philippus Dei gratia Francorum Rex. Noverint universi ad quos litteræ præsentes pervenerint, quod Helluinus abbas et totus conventus Sti Martini Pontesiensis dilecto nostro Hugoni de Gornaco pro trecentis libris Parisiensis monetæ concesserunt quasdam possessiones suas libere et quietè totâ vitâ ejusd. Hugonis, ab ipso Hugone possidendas, scilicet granchiam suam de Joy cum nemore et terris et campiparte et omnibus ad eaud. granchiam pertinentibus185 et quasdam vineas, scilicet clausum Ildeburgis272 et vineam de Trou et de Roquenel et de Bertein, et le Quarteron, et le Pruneroy et torcular suum de Joy cum omnibus ejus pertinentiis. Ita quod quidquid in eorum granchiâ ædificaverit, vel in terris, vel in vineis, vel in torculari vel vasis fecerit, ad abbatem et conventum prædicti loci post decessum prædicti Hugonis, integrè et sine aliquâ contradictione, cum omnibus prædictis, exceptis animalibus, sine omnium expensarum restitutione redibit, neque res ipsorum in manum alterius quam in suam vivens vel moriens mittere poterit, neque post mortem suam aliquis de hæredibus prædicti Hugonis, in rebus predictis poterit aliquod jus clamare. Redditus etiam qui de rebus prædictis debentur ab eodem Hugone in integrum persolventur. Nos autem ad petitionem utriusque partis, id sigilli nostri authoritate præcepimus confirmari. Actum Paciaci472 .
