Lucie d'Hérouville et son frère Eudes donnent à St Martin une partie de la dîme de ce village.
- B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, vi, 13 (ex cart. in fine, cap. 204).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Notum sit universis quod Lucia soror Odonis de Heruvilla9 filia Vauterii et Adelvidæ, petiit Mariam de Valle Engelgardis107 ut sibi concederet quidquid sibi in decimâ de Heruvillâ a paterno jure succedebat, liberè et quietè possidere... Quod libenter supradicta Maria concessit, de cujus feodo eandem decimam tenebat, coram his testibus : Pagano de Behervilla, qui Hugo dicitur, Thoma de Valle Engelgardis, Guillelmo Terrico de Umblevilla192, Arnulfo de Behervilla306, Longerio de Behervilla, Hugone.
Hanc decimam concessit monachis Sti Martini Pontesiensis ipsa Lucia et maritus ejus, Hugo nomine. Sciendum autem quod Odo frater Luciæ reddidit se Deo et abbati et monachis S. M. P. et dedit similiter in eleemosina eandem partem quam in decimâ habebat, id est unum modium bladi et unam minam leguminis singulis annis, et sex denarios censûs quos debet Drogo Potins120 de terrâ quâdam. Hos sex denarios concessit Dnus Amalricus de Fresniaus417 ; Odo quoque sororius præfati Odonis et uxor ejus concesserunt eos et hujus posuerunt concessionis donum super altare Sti Martini, assistente ibi Dno Theobaldo de Gisortio cum militibus et servientibus suis, simulque presente conventu et servientibus monasterii. Concessit similiter hoc Odelina uxor Odonis, venerunt que Pontisaræ et imposuerunt donum in manu Dni Lecelini abbatis.... et super altare, coram testibus his : Garnerio de Molendinis, Almarrico filio Yvonis de Valdry, Gaszone de Puteo... Laurentio filio Odonis de Monchauvet, etc... Habuit autem Odelina fæmina Odonis, de karitate ecclesiæ, undecim solidos ad emendum pellicium ; Hugo vero maritus Luciæ, quatuor solidos ad emendam tunicam.
