Enguerran Aiguillon de Trie confirme tous les dons de ses ancêtres à St Martin.
- A Original. Arch. dép. Val d'Oise, 9H, cart. 2.
- B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, vi, 3. Sigillum præfatum de Treja equo insidentem, gladio districto hostes persequentem, armatumque exhibet. Stemma gentilitium haud reperire potui. (D. E.) (Le sceau indiqué par D. Estiennot est perdu).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Quoniam in multis offendimus omnes, et ad dignos penitentie fructus faciendos hinc mundus in maligno positus quem nimis amplectimur, indè nostra nobis quam plurimum obsistit negligentia, bonorum iccirco virorum suffragia debemus ardenter expetere, ut, quam propriis meritis non valemus, orationibus ipsorum et patrociniis nostrarum obtineamus salutem animarum. Proindè ego Ingelramnus Aculeius372 filius Domni Willelmi Aculei de Treia, antecessorum meorum vestigia sequens qui monasterio S. Martini Pontisariensis plurima pro suis animabus contulere beneficia, præfatum monasterium et monachos ibidem Deo servientes tota virtute diligere, totis viribus honorare decrevi et proposui ampliare. Ut autem hoc propositum certus et efficax sequetur effectus, eidem monasteri et abbati et monachis ejusdem loci pro mea et omnium antecessorum meorum et amicorum viventium salute in perpetuam dono eleemosinam xx sol. Parisiensis monete ad monachorum propria indumenta, reddendos de redditu furni mei de Pontesia, in quo etiam furno habent ipsi singulis similiter annis alios xx solidos de eleemosina Domne Margarite matris mee ad ipsius anniversarium. Verum ne presentium aliquis seu futurorum, prefatum monasterium super eleemosinis ab antecessoribus meis et a me sibi collatis deinceps aliquando usu temerario perturbare aut aliquâ de causâ vexare præsumat, omnes eas ubicumque sint tam de dominio quam de feodo in presenti charta tam diligenter annotari, ipsamque chartam sigillo meo muniri et corroborari precipi, quatenus ipsa et easdem eleemosinas patenter universis exponat, et in munimentum perpetue stabilitatis in posterum ecclesie et monachis semper existat.
Concedo itaque eis et confirmo quandam decimam apud Stum Audoenum31 et hospites de Maldestor juxta Pontesiam que a multis retroactis temporibus possident ex elemosina predecessorum meorum. De eleemosina vero Dni Willelmi patris mei apud Pontesiam medietatem cujusdam molendini quod erat inter ipsum et Dnum Hugonem Tyrellum321 et justitiam ipsius molendini que ad eum spectabat, et totam justitiam hospitum supradictorum de Maldestor ; que omnia dedit eis pater meus antequam proficisceretur in Jerusalem. De eleemosina matris meæ supradictos xx solidos in furno meo, ut dictum est, cum aliis xx solidis quos ibidem dedit ecclesie. De eleemosina Dni Radulfi Valleth ecclesiam et decimam de Jerincuria367 et unum hospitem et tres denarios census in quandam terra ; que omnia erant de feodo meo. Capellam quoque de Linvilers125 quam idem Radulfus dedit de feodo meo. Vigilanti animo percipiant omnes me statuisse quatenus hi viginti solidi quos ego dono, annuatim reddantur . Et quoniam abbas et monachi concesserunt mihi mariscum suum quod habebant sub Marcomonte167 ad faciendum vivarium, in perpetuam eis dono eleemosinam omnem decimam molendini ejusdem vivarii et omnem decimam anguillarum que capientur de ipso vivario. Quando ego Ingelramnus Aculeius investivi Dnum Lecelinum abbatem et ecclesiam de his omnibus supradictis affuerunt hi testes* : Abbas de Marcasio Radulfi408, Ivo canonicus ejus, Robertus prior cenobii Pontesiensis, Robertus prior de Marcomonte, Domnus Galo de Calvomonte, Robertus de Flavarcurth414, Magister Gauterius de Droolcurth415, Robertus præpositus de Fresnis400, Guillelmus de Loncunvilla416.
