Simon de Moussy donne à St Martin le tiers de la dîme de cette paroisse.
- B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, ii, 16 (ex cart., cap. 55).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Simon de villâ quæ dicitur Montiacus248 decidens in infirmitatem quâ et mortuus est, rogavit ad se venire Theobaldum de Gisortio, ecclesiæ S. M. P. familiarissimum amicum, qui veniens vidit eum proximum morte, monuitque eum ut tertiam partem decimæ ejusdem villæ, scilicet Montiaci et quidquid habebat in ecclesiâ ipsius villæ quam tenebat in fefo memorati Theobaldi, daret in eleemosina pro animâ suâ et pro animabus omnium antecessorum suorum ecclesiæ S. Martini P. ubi jacent parentes ejusdem Theobaldi. Simon vero obediens præcepto et ammonitioni ejus, concessit ecclesiam et decimam quemadmodum Theobaldus voluit et monuit. Quando vero prædictus Simon ad monasterium S. M. P. delatus est ab amicis et cognatis et hominibus suis ut ibi sepeliretur, post officium celebratum et post sepulturam expletam ventum est ubi convenerunt monachi et clerici et laici..... et recognitum est donum, etc.
