École des chartes » ELEC » Cartulaires d'Île-de-France » Saint-Martin de Pontoise » Recueil des chartes » Guibert de Saint Denis donne à St Martin le tiers de la dîme de Puiseux.

Guibert de Saint Denis donne à St Martin le tiers de la dîme de Puiseux.

  • B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, iv, 5 (ex Cart. prope finem).
  • a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
D'après a.

Sciendum quod decimæ de Puteolis, cujus duas partes nobis dedit Yta uxor Fulcoidi de Caldriaco, tenebat in dominio suo tertiam partem dominus Guibertus de Sº Dionysio ; mater etenim uxoris ejus Eufemiæ dederat eam in matrimonio eidem Eufemiæ filiæ suæ, quando eam prefatus Guibertus in uxorem sibi assumpsit. Verum cum ipsa Eufemia infirmaretur et morti proxima esset, dedit in eleemosina pro sua et omnium antecessorum suorum animabus Deo et Sis Confessoribus Martino et Germano et Monachis cœnobii Pontesiensis illam quam supra diximus tertiam partem decimæ de Puteolis, volente hoc et concedente Guiberto marito suo et matre suâ nomine Sanctissima. Erat eodem tempore præpositus eorum de terrâ suâ de Puteolis, Gauterius Orieldis210 quem propter hoc ipsum ad se mandaverunt et eo præsente recognovit præfata Eufemia eleemosinam quam fecerat Deo et ecclesiæ Pontesiensi de tertia parte decimæ de Puteolis ut diximus. Aderunt ibidem tunc Guibertus maritus ejus et quidam frater ipsius, et Radulphus serviens eorum, et alii plures. Guibertus vero præcepit Gauterio ut citius rediens Dnum abbatem Theobaldum Pontesiæ ad se venire faceret. Nec mora eadem Eufemia decessit, et Guibertus et alii amici ejus adportaverunt ad Sanctum Dionysium ut ibi sepeliretur. Gauterius vero cum in redeundo acceleraret iter obviavit Dno Theobaldo abbati apud Sanctum Dionysium in strata Vincenti de Parisius, et duxit eum in ecclesia S. Dionysi ubi eadam Eufemia nondum sepulta jacebat. Quò cum venisset recognoverunt et Guibertus et Sanctissima mater Eufemiæ et alii amici ejus eleemosinam quam fecerat ecclesiæ suæ et sibi Eufemia priusquam moreretur. Adfuerunt huic rei cum abbate Odo sacrista monasterii et Petrus Senonensis monachus211, nepos D. Theobaldi abbatis, et Theulfus coquus et Gauterius Asinus et Rogerius de Caurcis212 famuli.


210 Orielde, prénom féminin devenu nom patronymique, a formé dans le Midi Auriol et dans le Nord Oriot, nom d'une famille d'Auvers-sur-Oise.
211 Pierre de Sens ou Pierre, moine de Sens (?), neveu de l'abbé Thibaut Ier.
212 Roger de Cahors.