Confirmation à l'Abbaye, par l'archevêque de Rouen, des églises et des dîmes qu'elle possède dans son diocèse.

Hugo Dei gr. Rothomagensis Archiepiscopus324, dilecto filio suo Theobaudo abbati S. Martini monasterii Pontisariensis, tuisque successoribus canonice substituendis in perpetuum.

Romanorum pontificum decernit authoritas et sanctorum canonum statuta præceptaque mandant imperialia, ut monasteria quæque consilio episcoporum in quorum parochia sita sunt, pie disponantur et regulariter ordinentur, omnisque eorum possessio et quidquid jure ad ea pertinere videtur, ita pontificali privilegio muniatur ut nulli posterorum ea auferre vel minuere liceat ; ut nulla ecclesiastica persona præter episcopum suum eis dominare præsumat ; ut nullæ laicæ seu secularis personæ potestas conturbet ea vel opprimet. Ea propter monasterium S. M. Pontisariensis prout tempore venerabilium prædecessorum meorum archiepiscopum Rothomagensium Johannis, Guillelmi, Gaufredi337, liberum et proprium Rothomagensis ecclesiæ cœnobium ad nostra usque tempora pervenit, ita privilegii nostri authoritate roboramus et pontificali sanctione munimus, ut nulli unquam nisi Domino Papæ et Rothomagensis ecclesiæ subditum fiat. Quidquid autem liberalitas regum, largitio pontificum, benevolentia principum seu quorumlibet pietas fidelium monasterio cui Deo authore præsides, carissime fili Theobalde, jam donavit vel aliquando præstare voluerit, nos authoritate pontificali rata manere mandamus ut sanctis præstita vel Deo dicata. De quibus hæc pauca subnotare volumus, videlicet quidquid juris, quidquid decimarum, quidquid oblationum habet in ecclesiis vel parrochiis de Valmundeis330, de Heruvilla9, de Valle Engelgardis107, de Haraviler303, de Behervillâ306, de Curcellis307, de Trierio338, de Avesnis313, de Tilleio179, de Cleriaco51, de Banterlu52, de Ruuilis338, de Puteolis27, de Umbleinvilla192, de Marcomonte167, de Borrito235, de Morlencurt339, et decimam quam dedit Drogo de Gallonio quæ est inter Butery321 et Heruvillam9. Hæc et alia ad præfatum monasterium jure pertinentia conservanti et protegenti salus, pax, honor, præstitur a Domino.

Quisquis vero ejusdem monasterii prælibatam libertatem seu possessionem temerario ausu perturbare vel minuere præsumpserit, ultioni divinæ subjaceat et cum dampnatis et proditis sortem maledictionis accipiat. Amen.

Ego Hugo Rothomagensis Archiepiscopus ss.

Ego Fulbertus Vulcassinensis Archidiaconus ss.

Ego Gaufredus Rothomagensis ecclesiæ decanus ss.

Ego Rogerius Roth. archidiaconus ss.

Ego Valerannus Roth. archidiaconus ss.

Ego Robertus Roth. archidiaconus ss.

Ego Girardus decanus ss.

Ego Valbertus decanus ss.

Ego Raynaldus decanus ss.

Data Rothomagi kl. Novembris. Actum est hoc anno Incarnati Verbi Mº Cº trigesimo quinto. InnocentioII feliciter PP. Romano, Ludovico Rege Francorum glorioso, principante in Normanniâ rege Anglorum Henrico magnifico.