Note sur les droits du prieur de Boury.

Le prieur prent la moictié en toutes les oblations qui sont faites en lesglise de Bourris la ville, tant au baise main que autrement soit en argent, en cire, en courroies ? en testamens, laiz de darreniere onction, en espousailles et es bans et en messes redimandées, s'aucunes en y avoit, et semblablement la cire prent en la moictié des messes qui sont recommandées au prieur et sy prent la moictié du pain deu lendemain de Nouel et le lendemain de Pasques.

Le prieur prent la moictié des menues dismes, c'est assavoir de lins, de chanvres, de chevres, de pourceaulx, de veaulx, d'aigneaulx et d'ongnons.

Item a Dangu243 la moictié d'une disme de chanvres, de lins, d'ongnons et de tout ce qui y croist.

Le prieur doit payer la visitation de l'archediacre, qui vault xxxv gros tournois, quant il visite personellement, et quant il visite par procureur xxx gros tournois et ii s. au senne244.

Le prieur doit querir a l'église S. Germain a Bourris les cordes pour sonner les cloches, iii lampes ardans d'œille, ii cierges au grant autel, et la moictié du vin pour acommicher245 les bonnes gens a Pasque tant seulement.

Le prieuré doit chacun an au curé de Bourris deux muis de blé et ung muy d'avaine sur le dismage de la d. ville.

Sensuivent les terres qui doivent disme et redisme au prieuré, c'est assavoir de disme et redisme, du cent xv gerbes, et de simple disme en la maniere acoustumée.