Don par Enguerran, chevalier de Cléry, de l'église de Banthelu
- B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, lib. III, i, 2 (ex Cartulario).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Pro Ecclesia de Banterlu. Universis tam præsentibus quam futuris notum (sit) quoniam Ingelramnus miles de Clereyo51, offerens filium suum Gauterium in monasterio Sti Germani Pontisariensis, tempore Gauterii primi ipsius loci abbatis, tradidit eidem loco ecclesiam de Banterlu52 quemadmodum ipse et antecessores ejus tenebant liberam, videlicet ut nemo possit in eadem ecclesia presbyterum ponere præter abbatem Pontisariensem et monachos ejus. Sciendum itaque est quod nullus in ecclesia neque in atrio, neque in terra altaris, aliquid accipiet neque de sanguine, neque de latrone, neque de aliqua forifactura, neque de ulla re, nisi abbas et monachi Pontisarienses.
Dedit præterea Ingelramnus tertiam partem decimæ et totam minutam decimam ejusdem ecclesiæ monasterio Pontisariensi. Dedit etiam dimidium decimæ de Villeto53.
Porrho sciendum (est) quoniam hæc ecclesia, scilicet de Banterlu, non solvit neque synodum neque circadam.
Hanc eleemosynam quæ supra scripta est, concesserunt Domnus Almalricus de Pontisara54, Radulphus que Delicatus, filius ejusdem Almalrici. Horum omnium testes fuerunt : Berardus de Montegermano32, filiusque ejus. Garinus Asinus atque Haymardus. Odo de Banterlu et Haymardus frater ejus55.
Quando vero supradictus Ingelramnus monachus est effectus, hoc ipsum concedere fecit filios suos Droconem, Herbertum atque Radulphum per fidem suam. Hujus denique concessionnis testes fuerunt : Radulphus vicecomes56, Haymardus de Banterlu, Fulco Asinus, Droco de Beherval57, Robertus armiger Radulphi.
