Sire Gautier de Valmondois, pour s'exonérer du vœu de croisade, donne à St Martin une rente que lui payait le Roi pour une écluse située dans ses domaines.
- B Bibl. mun. de Pontoise, ms. 16-18, 20 et 22: D. Estiennot, Historia monaterii Sancti Martini super Viosnam, l. III, vi, 12 (ex cart., cap. 210).
- a Cartulaire de l'abbaye de Saint-Martin de Pontoise, J. Depoin (éd.). Pontoise: 1895.
Sciant omnes t. p. q. f. Domnum Vaulterium de Valmondeis330 aliquando Crucem accepisse ut iret in Jherusalem, sed postea contigit propter impedimenta quædam quæ sibi contigerunt, propositum iter nullomodo exsequi potuerit, ideoque multum precatus est quemdam monachum S. Martini cœnobii Pontesiensis, ut sibi et istius propositi absolutionem et remanendi licentiam quæreret ab archiepiscopo Rotomagensi. Idem vero monachus, Robertus nomine, precibus ipsius adquiescens, locutus est super hac re cum decano de Mellento Elinando scilicet, qui domno Rotroldo tunc temporis Rothomagensis archiepiscopo419 admodum familiaris erat, simulque ipsum exoravit ut rem archiepiscopo innotescens, domino Vauterio voti sui absolutionem ab eo precibus impetraret. Decanus autem cum hæc omnia archiepiscopo innotuisset, respondit archiepiscopus petitionem quidem grandem esse, verumptamen magnitudinem impedimentorum Dni Vauterii misericorditer attendens, dixit eâ se conditione remanendi ei licentiam indulgere, quod idem domnus. Vauterius pauperibus monachis cœnobii Pontesiensis aliquod beneficium impenderet, ut et ipso pro suorum remissione peccatorum Dominum precarentur. Cumque hæc domino Vauterio relata fuissent a decano, gavisus est plurimum, consilioque ab uxore suâ et à suis accepto, dedit Deo et Sto Martino... unum sextarium avenæ quem ei Rex Francorum debebat singulis annis de redditu pro quâdam Sclusâ quæ est apud Valmondeis in terrâ Domni Vauterii, et est necessaria molendino Regis. Dedit etiam cum sextario avenæ præfatis monachis octo denarios censûs quos ei debebant iidem monachi de quodam suo prato quod habent apud Butery309. Hæc omnia voluerunt et concesserunt apud Valmondeis Dna Basilia uxor Dni Vauterii, et filii eorum Philippus et Adam, simulque filiæ Adda et Maria, assistente ibidem Elinando decano coram domo Dni Vauterii, et cum eo Bertranno presbytero de Heruvilla9 et pluribus aliis.
Post hæc die nominatâ venerunt Pontisaram ac Stum Martinum Dnus Vauterius et uxor ejus Dna Basilia, adduxerunt que secum filium Philippum, atque Johannem fratrem Dni Vauterii ; ibique coram Dno abbate Lecelino et coram conventu atque decano, posuerunt donum eleemosinæ supradictæ super altare S. M. hi quatuor, Dnus videlicet Vauterius, Dna Basilia uxor ejus, filius Philippus et frater Dni Vauterii Johannes.
