École des chartes » ELEC » Chroniques latines » Préface » [4] Tripertitus situs Gallie.

[4] Tripertitus situs Gallie.

Galliam omnem in quatuor provintias Horosius hoc modo divisit : “Gallia, inquiens, Belgica habebat oriente limitem fluminis Rheni et Germaniam, ab euro Alpes Penninas, a meridie provinciam Narbonensem, ab occasu provinciam Lugdunensem, a circio occeanum Britannicum, a septentrione Britanniam insulam”1 = Orosius, Historiarum adversum Paganos, I, 2, 68-68.

Gallia Lugdunensis, ducta per longum et per angustum inflexa, Aquitaniam provinciam semicingit. Hec ab oriente habet Belgicam, a meridie partem provintie Narbonensis, qua Arleas civitas sita est, et mari Gallico flumine accipitur.

Narbonensis provincia pars Galliarum habet ab oriente Alpes Cottias, ab occidente (3b) Hispaniam, a meridie mare Gallicum, quod est inter Sardiniam et insulas Baleares, habens in fronte qua Rhodanus fluvius in mare exit insulas Stoecadasa sticadas P add. interlin. m. main .

Aquitanica provintia oblico cursu Ligeris fluminis qui ex plurima parte terminus ejus est, in orbem agitur. Hec a circio Occeanum, qui Aquitanicus sinus dicitur, ab occasu Hispanias habet, a septemtrione et oriente Lugdunensem, ab euro et meridie Narbonensem provintiam contingit.”2 = Orosius, Historiarum adversum Paganos, I, 2, 68-68

Julius vero Cesar, qui cum ejusdem terre incolis decennio bellum gessit, concordante secum Plinio multisque aliis phylosophis, tres tantum vult esse provincias. Cujus nos scripta eodem quo ipse usus est hic inserimus ordine, aliqua tantummodo que ille in aliis sue hystorie locis de civitatibus sive fluminibus dixit seu que Plinius aliter ac ille sensit interponentes’3 : Caesar, Bellum gallicum, I, 1, 1 : Plinius secundus, Naturalis Historia, IV, 17.


a sticadas P add. interlin. m. main.

1 = Orosius, Historiarum adversum Paganos, I, 2, 68-68
3  : Caesar, Bellum gallicum, I, 1, 1 : Plinius secundus, Naturalis Historia, IV, 17