École des chartes » ELEC » Chroniques latines » Livre III » [92]
[f66v]

[92] Anno X regni Theoderici, juxta voluntatem Brunechildis ex precepto Theoderici Protadius major domus constituitur. Qui consensu argutissimus ac in consiliis haberetur strenuus, seva tamen illi inerat contra locupletes cupiditatis macula fiscum volenti replere ac se ipsum ditarea R Omis ; ditate P . Denique nobilitatem insectando Burgundie, omnes cupiens sibi subicere, res eorum conabatur injuste auferre, ne quis sibi posset honorem quo fruebatur subripere. Quapropter non valebat quilibet potentum repperiri qui ejus vellet familiari colloquio vel amicicia frui. Sed dum Brunechildis veteris inimicicie recordatione vindictam meditaretur expulsionis sue, moneretque Theodericum thesauros (66vb) patris de manu Theodeberti querere, asserens illum non Childeberti sed cujusdam hortolani filium fuisse, Protadius cepit regem ad hec peragenda studiosus commonere. Tandem cum exercitu Theodericus profectus, apud Cariciacum castra posuit, paratus in crastinum cum fratre congredi, qui haut procul cum valida Austrasiorum consederat manu. Interea leudi Theodericum hortare ceperunt ut fratri reconciliaretur nec vanissime cupiditati postponeret decus germanitatis. Protadius econtra vehementer resistere, dicens pacem fieri non opportere. Animadvertentes ceteri proceres eum solum esse qui consiliis eorum refragaretur, alterutrum sermocinabantur oportunius fore unum tradere morti, quam totum exercitum periclitari. Oportune rex exercitationis gratia tentorio egressus rumore ferente comperit quosdam Protadium velle perimere. Et proripere sese volens ut eos ab injuriis memorati removeret viri, a suis prohibitus ac vi detentus, mittit quendam Uncelenum nomine, qui principibus factionis jussionis sue auctoritate tales indiceret ausus. Tunc Uncelenus ad eos veniens qui jam tabernaculum regis circumdederant quo Protadius una cum Petro medicine artis perito ad tabulas ludens sedebat, taliter infit : « Sic jubet dominus meus rex Theodericus, ut interficiatur Protadius paci contrarius ». Post quod verbum certatim omnes tentorium gladiis conciderunt, et Protadium inibi peremerunt. Theodericus licet [f67] (67a) a suis coactus, cum fratre Theodeberto pacificatur, et utrorumque exercitus salvus ac integro numero ad sua regreditur’1 : Fredegarius, Chronicae, IV, 27.

Anno XI regni Theoderici, subrogatur Protadio major domus quidam Claudius, genere itidem romanus, homo prudens”2 = Fredegarius, Chronicae, IV, 28, ‘fide plenus, jocundus in fabulis, providus in cunctis, sed sagina corporis valde gravis. Qui predecessoris sui territus exemplis, amicitiam universis servans lenem se ac favorabilem prebebat’3 : Fredegarius, Chronicae, IV, 28.b His diebus (f. 70a) defuncto Subilione cenobii Sancti Vincentii abbate, Desiderius ei successit in regimine supprimé par va...cat et barré R


a  R Omis ; ditate P. b His diebus (f. 70a) defuncto Subilione cenobii Sancti Vincentii abbate, Desiderius ei successit in regimine supprimé par va...cat et barré R.

1  : Fredegarius, Chronicae, IV, 27
2 = Fredegarius, Chronicae, IV, 28
3  : Fredegarius, Chronicae, IV, 28