École des chartes » ELEC » Chroniques latines » Livre III » [89]

[89] Anno sexto regni Theodeberti necnon et Theoderici, Chatinus dux The[o]deberti interficitur ’1 : Fredegarius, Chronicae, IV, 20. Sequenti abhinc anno, Theoderico ex concubina nascitur filius nomine Sigobertus, et Egila patricius nullis culpis extantibus, sed sola suggerente cupiditate, per consilium Brunechildis peremptus, facultatesque ejus fisco associetate.

Eo tempore, Theo[de]bertus ac Theodericus Wascones domuerunt ducemque super eos nomine Genialem instituerunt ’2 : Fredegarius, Chronicae, IV, 21.

His diebus levatus est Adoloaldus rex super Langobardos Mediolanum in circo in presentia patris sui Ailulfi regis, astantibus legatis Theodeberti regis Francorum ; et desponsata est eidem regio puero filia regis Theodeberti, et firmata est pax perpetua cum Francis’3 : Paulus Diaconus, Historia Langobardorum, IV, 30.

Eodem tempore Francis cum Saxonibus pugnantibus magna strages ab utrisque partibus facta est’4 : Paulus Diaconus, Historia Langobardorum, IV, 31.


1  : Fredegarius, Chronicae, IV, 20
2  : Fredegarius, Chronicae, IV, 21
3  : Paulus Diaconus, Historia Langobardorum, IV, 30
4  : Paulus Diaconus, Historia Langobardorum, IV, 31