[24] ‘Erat tunc temporis beatus Gregorius Lingonice urbis presul summus. Sed quia hujus pontificis meminimus, [f30v] (30va) dignum est ut situm Divionensis castri, ubi maxime morabatur, pandamus. Est denique illud castrum in campi planicie, muris firmissimis circumdatum, turribus triginta tribus honestatum, terras habens fertiles, per quas a meridie Oscarusa Osearus P haud procul a muro fluit, piscibus dives. Ab aquilone alter fluvius per portam ingreditur, ac sub ponte decurrens perque aliam portam egrediens, molendinos summa vertit velocitate. Murus ad viginti pedes quadris edificatus lapidibus, desuper minores superpositos habens lapides, in altitudinem pedibus XXXta, in latitudinem XVcim porrigitur. Porte ibi quatuor, a quatuor plagis celi. Quod cum tante sit magnitudinis, cur urbis caruerit vocabulo, mirum habetur. Hoc quidem ab Aureliano imperatore constructum antiquitas asseruit’1 : Gregorius Turonensis, Historiae, III, 19, p. 120.