Autre grace normande en latin1

Karolus, Dei gracia Francorum rex, universis etc. Notum facimus nos de gracia speciali concessisse Tali et ejus uxori ut ipsi, tam conjunctim quam divisim, in omnibus causis suis motis et movendis contra quoscumque suos adversarios coram quibuscumque judicibus regni nostri secularibus, agendo et defendendo, per procuratorem seu attornatum legitime constitutum per suas patentes litteras sub sigillo nostro seu alio autentiquo sigillatas, in parlamentoa, scacario et extra usque ad annum admittantur ; et quod idem procurator seu atornatus adjornamenta et deliberaciones namptorum valeat requirere, causas et querelas movere et motas prosequi valere, clamorem facere de foro burse, breve seu brevia recipere, sustituere unum vel plures procuratores vel atornatos qui similem in premissis habeat seu habeant potestatem, et generaliter omnia et singula facere que dicti Tales facere possent si presentes et personaliter interessent. Patrie consuetudine b non obstante. Datum etc.