Autre don d'autres bourses

Karolus etc., dilectis nostris magistro et provisori domus nostre scolarium collegii de Campania Parisius, salutem et dilectionem. Nos locum et bursas quos in collegio artistarum dicte domus nuper obtinere solebat N., nunc vaccantes per ejus totalem a dicta domo recessum, ut dicitura, sufficienciori grammaticob scolari in gramaticorum collegio dicte domus, et locum et bursas dicti sufficiencioris gramatici Tali, clerico, pietatis intuitu contulimus et conferimus de gracia speciali. Quare vobis et vestrum cuilibet mandamus quatinus dictum N. ad dictos locum et bursas admittatis et in eorum possessionem inducatis ac de fructibus et emolumentis universis ad ipsos locum et bursas spectantibus uti et gaudere pacifice faciatis, consuetudinibus et statutis dicte domus in omnibus observatis. Et in casu quo in dictorum gramaticorum collegio non reperiretur de presenti scolaris gramaticus sufficiens ad studendum ad artes, volumus de gracia ampliori quod idem N. prefatos locum et bursas, in dicto artistarum collegio vaccantes ut prefertur, obtineat et possideat, si ad hoc per vos ydoneus reperiatur. Datum etc.