Retenue en double queue de secretaire d'onneur

Karolus etc., universis etc. Decet principes personas illas sibi laterales assumere et astringere familiaritate precipua quas noscunt adornatas moribus, litterarum sciencia et honestate vite pollentes ac in sibi commissis fideles fuisse pluribus experienciis comprobatas. Notum igitur facimus quod nos, audito laudabili testimonio quod a pluribus fide dignis perhibetur de persona dilecti nostri Talis, ipsum, de cujus fidelitate, sufficiencia et probitate ad plenum confidimus, in nostrum secretarium retinendumduximus et tenore presencium retinemus,ad vadia, jura, libertates, franchisias, honores, prerogativas et emolumenta consueta.Quocirca dilecto et fideli cancellario nostro damus presencium tenore in mandatis quatinus, a dicto magistro Tali recepto solito juramento, ipsum ponat et instituat aut ponere et instituere faciat in possessionem et saisinam dicti officii ac predictis vadiis, juribus, honoribus et emolumentis superius expressis uti et gaudere faciat et permittat.In cujus rei testimonium etc. Datum etc.